Намояндаи ХБА низоми бонкии Тоҷикистонро нисбат ба чанд соли қабл муътадил арзёбӣ кард

© Национальный банк ТаджикистанаРуководства НБТ провела переговоры с главой миссии МФВ по Таджикистану Падамжа Ханделвал
Руководства НБТ провела переговоры с главой миссии МФВ по Таджикистану Падамжа Ханделвал - Sputnik Тоҷикистон
Обуна шудан
Роҳбарияти бонки миллӣ ва ҳайати ХБА, ки имрӯзҳо дар Тоҷикистон бо мақсади омӯзиши вазъи кунунии иқтисодиёт қарор доранд, омӯзиши вазъи иқтисодӣ ва таъсири омилҳои беруна ба вазъи бозори дохилии асъорро баррасӣ карданд

ДУШАНБЕ, 18 мар — Sputnik. Роҳбарияти Бонки миллии Тоҷикистон бо мудири иҷроияи Хазинаи Байналмилалии Асъор (ХБА) ҷаноби Пол Индербинен ва Ҳайати ХБА таҳти роҳбарии хонум Падамжа Ханделвал, ки бо мақсади омӯзиши вазъи кунунии иқтисодиёт, дар Тоҷикистон қарор доранд, мулоқоти корӣ анҷом доданд.

Президент Таджикистана Эмомали Рахмон - Sputnik Тоҷикистон
Раҳмон бо намояндаи ХБА “Механизми васеи қарздиҳӣ”-ро баррасӣ кард

Зимни мулоқот тарафҳо вобаста ба ҳамкориҳои судманди Бонки миллӣ ва Хазинаи Байналмилалии Асъор, рушди иқтисодию иҷтимоии кишвар, навоварию ислоҳот дар низоми бонкӣ, нигоҳ доштани устувории макроиқтисодӣ бо назардошти хавфҳои эҳтимолӣ, беҳтар гардидани вазъи молиявии низоми бонкӣ, зарурати таҳким бахшидани асосҳои сиёсати пулию қарзӣ, татбиқи босамари ислоҳоти иқтисодӣ ва дигар масъалаҳои мавриди таваҷҷуҳ ибрози назар намуданд.

Раиси Бонки миллии Тоҷикистон Ҷамшед Нурмаҳмадзода дар рафти суҳбат изҳор намуд, ки ХБА дар оянда барои баланд бардоштани рушди иқтисодӣ ва низоми бонкии кишвар тадбирҳои судманд амалӣ хоҳад кард.

Манбаъ қайд намудааст, ки мудири иҷроияи ХБА Пол Индербинен бо мақсади иштирок дар гуфтушунидҳо барои тарҳрезии Барномаи нави ислоҳоти иқтисодии ХБА бори нахуст вориди Тоҷикистон шудааст ва зимни суҳбат аз тақвият бахшидани ҳамкориҳои судманд изҳори назар кард.

Бонки миллӣ қайд намудааст, ки Пол Индербенен манфиат ва ташаббусҳои Тоҷикистонро дар ХБА муаррифӣ менамояд.

Встреча представителей МВФ с руководством Нацбанка  - Sputnik Тоҷикистон
Мулоқоти ХБА бо Бонки Миллӣ дар бораи коҳиш ёфтани ҳиссаи қарзҳои ғайрифаъол

Инчунин, зимни мулоқот роҳбари ҳайати ХБА доир ба Тоҷикистон Падамжа Ханделвал, барои омӯзиши вазъи иқтисодӣ ва таъсири омилҳои беруна ба вазъи бозори дохилии асъор, иқтидори содиротии кишвар ва сатҳи воридот, сатҳи таваррум, идоракунии захираҳои байналмилалӣ андеша кард.

Падамжа Ханделвал бо такя ба ислоҳотҳои татбиқшуда дар низом зикр кард, ки айни замон бо кӯшишҳои роҳбарияти кунунии БМТ низоми бонкии Тоҷикистон нисбат ба чанд соли қабл муътадил арзёбӣ шуда, ояндаи наздик устувории он аз эҳтимол дур нест.   

Дар анҷоми мулоқот Ҷамшед Нурмаҳмадзода аз роҳандозии барномаи нави ислоҳоти иқтисодӣ бо дастгирии ХБА изҳори умед кард.

Лентаи хабарҳо
0