Эҷоди 12,7 ҳазор ҷои корӣ дар Тоҷикистон

© Sputnik / Илья Питалев / Гузариш ба медиабонкРабочие на Садовом кольце в Москве
Рабочие на Садовом кольце в Москве - Sputnik Тоҷикистон
Обуна шудан
Дар се моҳи аввали соли ҷорӣ дар Тоҷикистон беш аз 12 ҳазору 700 ҷойи корӣ эҷод шуд

ДУШАНБЕ, 24 май - Sputnik. Бино ба иттилои Ожонси омори Тоҷикистон, ҳудуди 9 ҳазор, ё 66,9 дарсади ҷойҳои нави корӣ доимӣ мебошанд, навиштааст ТоҷикТА.

Строители на церемонии в честь запуска первого агрегата Рогунской ГЭС - Sputnik Тоҷикистон
Фармони Эмомалӣ Раҳмон барои квота ба коргарони хориҷӣ ва шарҳи Вазорати меҳнат

Манбаъ афзуд, ки беш аз 3 ҳазор, ё 23,7 дарсади ҷойҳои корӣ муваққатӣ ва 818 ё 6,4 дарсад ҷойҳои корӣ мавсимӣ мебошанд.

“Афзун бар ин, дар ин се моҳ 233 ҷойи кории иловагӣ эҷод ва беш аз 1,5 ҳазор ҷойи корӣ барқарор шуд”, - омадааст дар иттилоия.

Ожонс изҳор доштааст, ки ҷойҳои корӣ аслан дар бахшҳои кишоварзӣ, ҷангалдорӣ ва моҳипарварӣ фароҳам шудаанд.

Дар зимн, музди миёнаи кормандони ин се бахши Тоҷикистон 586 сомонӣ, ё худ 63 доллари амрикоӣ аст, ки ин музди пасттарин дар кишвар мебошад, таъкид кардааст ТоҷикТА.

Дар ин муддат дар феҳристи ожонси меҳнат ва шуғли аҳолии ҶТ 78,6 ҳазор шаҳрванди бекор сабтином мебошанд.

Лентаи хабарҳо
0