“Бозори сиёҳ”: парвандаи Шарипов ва Қурбонов барои харидуфурӯши асъор дар “Фаровон”

© PixabayБанкноты США, архивное фото
Банкноты США, архивное фото - Sputnik Тоҷикистон
Обуна шудан
Маъмирини идораи мубориза бо ҷиноятҳои муташаккили РВУД дар вилояти Хатлон аз ифтитоҳи парвандаи ҷиноӣ алайҳи Давлаталӣ Шарипов ва Шуҳрат Қурбонов хабар доданд

ДУШАНБЕ, 26 май — Sputnik. Тибқи гузориши Вазорати умури дохилии Тоҷикистон, дар пайи як санҷиш Давлаталӣ Шарипов, сокини 35-солаи шаҳри Леваканд дастгир шудааст, ки дар муомилоти ғайриқонунӣ бо доллар ва рубл муттаҳам мешавад.

Деньги, архивное фото - Sputnik Тоҷикистон
Доллар — 9.4398 , евро — 10.5169, рубл — 0.1458 сомонӣ: Бонки миллӣ дар бораи қурби асъор

Шарипов дар гузориши ВУД гуфт, нафари номаълуме дар бозори “Фаровон”-и шаҳри Бохтар ба ӯ мубодилаи асъорро пешниҳод карда, онҳо 100 долларро 995 сомонӣ ва 1000 рублро 152 сомонӣ маслиҳат кардаанд.

Ба гузориши ВУД, Шарипов 19 майи соли равон 20 ҳазор рубли русӣ ва 2800 доллари амрикоиро бо нархи 9,95 сомонӣ сари ҳар доллар харидуфурӯш кардааст.

ВУД афзуд Шарипов ва Шуҳрат Қурбонов, сокини 40-солаи шаҳри Бохтар дар пайи амалиёти муштарак бо мақомоти додситонӣ дар бозори “Фаровон”-и маркази Хатлон боздошт гардиданд.  

Додситонии шаҳри Бохтар бо модаи 286-и Кодекси ҷиноӣ алайҳи муттаҳамон парвандаи ҷиноӣ оғоз карда, феълан тафтишот идома дорад.

Лентаи хабарҳо
0