18:47 24 июни 2019
Пахши мустақим
  • USD9.44
  • EUR10.75
  • RUB0.15
Имзои созишнома миёни ҳукумати Тоҷикистон ва корхонаи Тоҷиксемент

Ҳукумати Тоҷикистон: “Тоҷиксемент” дар шимоли Душанбе корхонаи нави сементбарорӣ месозад

© Государственный комитет по инвестициям и управлению государственным имуществом Таджикистана
Иқтисод
Гирифтани линки кӯтоҳ
170 0 0

Ҳукумати Тоҷикистон ва ширкати "Тоҷиксемент" аз сохти корхонаи нави тавлиди семент дар шимоли Душанбе хабар дод.

ДУШАНБЕ, 12 июн — Sputnik.  Бино бар дафтари матбуоти Кумитаи давлатии сармоягузорӣ ва идораи амволи давлатии Тоҷикистон, ин корхона дар канори ширкати феълии тавлиди семент дар шимоли шаҳри Душанбе бо ҳазинаи 100 миллион доллар сохта хоҳад шуд.

Гуфта мешавад, корхонаи нав дар сол беш аз 1 миллиону 200 ҳазор тонна семент тавлид хоҳад кард.

Бо сохти ин корхона ширкати тавлиди сементи Душанбе, ки қадимитарин маркази тавлиди ин маҳсулоти сохтмонӣ дар Тоҷикистон аст, фаъолияти хешро мутаваққиф мекунад.

Ҳамчунин бар асоси барномаи Вазорати саноат ва технологияҳои нави Тоҷикистон, сохти як корхонаи дигари тавлиди семент дар ноҳияи Ҷалолуддини Балхии вилояти Хатлон бо зарфияти тавлиди 600 ҳазор тонна аз ин маҳсулоти сохтмонӣ дар сол дар назар аст.

Барчаспҳо:
корхонаи сементбарорӣ, семент, шартнома, имзои созишнома, Кумитаи сармоягузорӣ ва идораи амволи давлатӣ, Кумитаи сармоягузорӣ, Ҳукумат, Тоҷикистон

Мавзӯъҳои асосӣ