Маҳмадёровҳо дар Нуробод маркази хизматрасонӣ сохтанд: раисиҷумҳур ифтитоҳ кард

© Пресс-служба президента ТаджикистанаРабочая поездка президента Таджикистана в Раштскую область
Рабочая поездка президента Таджикистана в Раштскую область - Sputnik Тоҷикистон
Обуна шудан
Бародарони соҳибкор дар ноҳияи Нуробод маркази хизматрасонӣ бунёд карданд, ки бо ширкати президенти Тоҷикистон ба баҳрабардорӣ расид

ДУШАНБЕ, 24 июн — Sputnik. Дар ноҳияи Нуробод бо ширкати Эмомалӣ Раҳмон Маркази нави хизматрасонӣ мавриди истифода қарор гирифт.

Бино ба иттилои котиботи раисиҷумҳур, иншоот дорои коргоҳҳои коркарди тунука, истеҳсоли дару тирезаҳои пластикӣ, коркарди чуб, истеҳсоли хиштҳои сементӣ ва нуқтаи фурӯши сӯзишворӣ мебошад. Дар ошёнаи якуми марказ фурӯши маводи ғизоӣ ва дар ошёнаи дуюм фурӯши либосу пойафзол ба роҳ монда шудааст.

"Маркази хизматрасонӣ аз тарафи бародарони соҳибкор Маҳмадёровҳо дар доираи «Солҳои рушди деҳот, сайёҳӣ ва ҳунарҳои мардумӣ» бунёд шудааст",-омадааст дар хабарнома.

Эмомали Рахмон в ходе рабочей поездки в район Сангвор - Sputnik Тоҷикистон
Эмомалӣ Раҳмонро дар Нуробод гарм истиқбол карданд

Эмомалӣ Раҳмон бо ёдоварӣ аз дастгириву таваҷҷуҳи доимии Ҳукумати Ҷумҳурии Тоҷикистон нисбат ба фаъолияти соҳибкорӣ бунёди иншоотро барои қонеъсозии талабот ба ин намуди хизматрасониҳо муҳим арзёбӣ кардааст.

Корҳои сохтмонӣ дар иншоот соли 2017 оғоз гардида, он дар рӯзҳои таҷлили ҷашни Ваҳдати миллӣ мавриди баҳрабардорӣ қарор гирифт.

Бунёди иншооти хизматрасонӣ дар заминаи дастгириҳои Ҳукумат сурат гирифта, дар доираи амалишавии ҳадафҳо ҷиҳати ба шуғли доимӣ фаро гирифтани аҳолӣ 50 нафар бо ҷойи кор таъмин шуданд.

Масоҳати умумии бино 3462 метри мурабаъро ташкил медиҳад.

 

Лентаи хабарҳо
0