15:33 19 июли 2019
Пахши мустақим
  • USD9.44
  • EUR10.59
  • RUB0.15
Неъматулло Ҳикматуллозода, вазири рушди иқтисод ва савдои Тоҷикистон, акс аз бойгонӣ

Ҳикматуллозода ва Ҳумоюнӣ густариши ҳамкориҳои Тоҷикистону Афғонистонро баррасӣ карданд

© МИД РТ
Иқтисод
Гирифтани линки кӯтоҳ
62 0 0

Неъматулло Ҳикматуллозода, вазири рушди иқтисод ва савдои Тоҷикистон бо Муҳаммад Ҳумоюн Қаюмӣ, вазири молия ва намояндаи махсуси раисиҷумҳури Афғонистон густариши ҳамкориҳоро баррасӣ кардааст

ДУШАНБЕ, 5 июл — Sputnik. Тибқи иттилои Вазорати рушди иқтисод ва савдо, мулоқоти Ҳикматуллозода бо Қаюмӣ, ки инчунин мақоми мушовири аршади раисиҷумҳури Афғонистонро дорад, 4 июл дар шаҳри Душанбе баргузор гардид.

“Ҷонибҳо дар бораи тавсеаи ҳамкориҳои иқтисодиву тиҷоратӣ, аз ҷумла рушди гардиши савдои хориҷӣ, ҷоннок намудани ҳамкориҳо дар соҳаҳои нақлиёт ва имконияти транзитӣ, энергетика ва пружаҳои энергетикӣ, саноат ва таъсиси корхонаҳои муштарак, сармоягузорӣ ва ҷалби соҳибкорон дар Минтақаҳои озоди иқтисодӣ ва ғайра суҳбат намуданд”, - омадааст дар иттилоия.

Манбаъ таъкид намудааст, ки дар поёни вохӯрӣ тарафҳо омодагии худро барои густариши ҳамкориҳои минбаъда баён карданд.

Ҳайати баландпояи мақомоти Афғонистон, таҳти роҳбарии Қаюмӣ барои иштирок дар ҷаласаи ҳафтуми Комиссияи муштараки иқтисодӣ, тиҷоратӣ, иҷтимоӣ ва техникии байниҳукуматии Тоҷикистон ва Афғонистон ба Душанбе омаданд.

Ҷаласаи ҳафтуми Комиссияи муштараки иқтисодӣ, тиҷоратӣ, иҷтимоӣ ва техникии байниҳукуматии Тоҷикистон ва Афғонистон 4 ва 5 июл дар Душанбе баргузор мегардад.

Ҳайати Тоҷикистонро дар кори ҷаласаи дурӯза вазири нақлиёти ҷумҳурӣ Худоёр Худоёрзода роҳбарӣ мекунад.

Мавзӯъҳои асосӣ