11:05 20 сентябри 2019
Пахши мустақим
  • USD9.69
  • EUR10.70
  • RUB0.15
Харидфурӯши маҳсулоти ғизоӣ дар Душанбе, акс аз бойгонӣ

Соҳибкорон 30 тонна маҳсулотро ба “Тоҷикстандарт” супоридаанд, то нобуд кунад

© Sputnik / Амир Исаев
Иқтисод
Гирифтани линки кӯтоҳ
84 0 0

Қудрат Давлатзода, раиси Ожонси “Тоҷикстандарт” мегӯяд, таҳкими иртибот бо ҷомеа аз самтҳои афзалиятноки фаъолияти ниҳоди тобеяш мебошад

ДУШАНБЕ, 22 июл — Sputnik. Давлатзода имрӯз дар оғози нишасти матбуотӣ гуфт, шӯъбаи иттилооти “Тоҷикстандарт” ба шӯъбаи иттилоот ва иртибот бо ҷомеа тағйири ном карда, минбаъд ҳамкорӣ бо ҷомеаро таҳким мебахшад. 

Раиси “Тоҷикстандарт” гуфт, кори масъулини ин ниҳод бе ҳамкорӣ ва иртибот бо ҷомеа натиҷаи хуб намедиҳад. Ӯ таъкид намуд, ки густариши иртибот бо ҷомеа ва мулоқотҳо бо соҳибкорон аллакай натиҷа дода, танҳо нимсолаи аввали соли равон даҳҳо ширкат барои нобуд кардани маҳсулоти муҳлаташ гузашта ба “Тоҷикстандарт” муроҷиат кардаанд.

Давлатзода гуфт, пештар дар ҳисоботҳо ҳамагӣ аз як ё ду ширкат хабар дода мешуд, ки барои нобуд кардани маҳсулоти муҳлаташон гузашта муроҷиат мекарданд.

Ба иттилои роҳбари “Тоҷикстандарт” пеш агар ҳамагӣ 500 кило ё 1 тонна маҳсулоти муҳлаташ гузашта нобуд карда мешуд, дар 6 моҳи соли равон зиёда аз 30 тонна чунин маҳсулот бо иқдоми худи соҳибкорон нобуд карда шуд.

Давлатзода изҳор дошт, ки маҳсулот зери назорати Комиссияи махсус аз муомилот гирифта шуда, нобуд карда шуд.

Мавзӯъҳои асосӣ