22:34 23 августи 2019
Пахши мустақим
  • USD9.68
  • EUR10.72
  • RUB0.15
Флаги стран участниц ЕАЭС, архивное фото

Тоҷикистон санади узвият ба Иттиҳоди иқтисодии АвруОсиёро омода намудаст

© Sputnik / Asatur Yesayants
Иқтисод
Гирифтани линки кӯтоҳ
151411

Маркази тадқиқоти стратегии Тоҷикистон санадеро омода намудаанд, ки дар он бурду бохти Тоҷикистон аснои шомил шудан ба узвияти Иттиҳоди иқтисодии АвруОсиё матраҳ шудааст

ДУШАНБЕ, 27 июл — Sputnik. Роҳбари Маркази тадқиқоти стратегии Тоҷикистон Диловар Қодирзода зимни нишасти хабарӣ дар Душанбе изҳор доштааст, ки ҳукумати Тоҷикистон санади иборат аз 70 саҳифаро омода намудааст, ки дар он мавқеъи Тоҷикистон барои шомил шудан ба Иттиҳоди АвруОсиё равшан инъикос ёфтааст.

Қодирзода гуфтааст, ки Тоҷикистон аз узвият ба созмони мазкур барои Тоҷикистон ҳам манфиатовар аст ва ҳам баръакси ҳол низ мавҷуд аст.

Ба изҳори Қодирзода, барои беҳтар шудани вазъи муҳоҷирони тоҷик, хуб мешуд агар Тоҷикистон ба узвияти ин иттиҳод дохил шавад.

Коршинос бурду бохти Тоҷикистон аз узвият дар Иттиҳоди иқтисодии АвруОсиёро гуфт

Вале шомилшавии Тоҷикистон ба Иттиҳоди иқтисодии АвруОсиё барои дигар  ҷанбаҳо, аз ҷумла барои бахши истеҳсолот ва талаф додани қувваи зиёди корӣ манфиатовар набуда, ба иқтисодиёти кишвар метавонад латмаи сахте занад, зикр намуд роҳбари маркази тадқиқотии стратегии Тоҷикистон.

Путин дар ҳузури Раҳмон дар бораи Иттиҳоди иқтисодии АвруОсиё гуфт

Аз ин рӯ Қодирзода тавзеҳ дод, ки ҷониби Тоҷикистон алъон тамоми паҳлуҳои шомил шудани Тоҷикистонро ба узвияти иттиҳоди мазкур, мавриди омӯзиш қарор додааст.

Маврид ба зикр аст, ки ҳафтаи сипаришуда намояндаи Вазорати умури дохилаи Русия дар Тоҷикистон оиди масоили муҳоҷират Владислав Маркевич зимни як нишасте дар Душанбе гуфта буд, ки Тоҷикистон пас аз шомил шудан ба иттиҳоди иқтисодии АвруОсиё аз имтиёзҳои бештаре бархӯрдор мешавад.

Айни замон ба узвияти Иттиҳоди иқтисодии АвруОсиё кишварҳое чун: Арманистон, Белорусия, Қазоқистон, Қирғизистон ва Русия шомил ҳастанд.

Масъалаи узвияти Тоҷикистон дар созмони байналмилалии Иттиҳоди иқтисодии АвруОсиё аз соли 2015 инҷониб баррасӣ мешавад.

Барчаспҳо:
манфиат, шомил шуд, Тоҷикистон, Иттиҳоди иқтисодии АвруОсиё

Мавзӯъҳои асосӣ

  • Озода Раҳмон, роҳбари дастгоҳи раисиҷумҳури Тоҷикистон, акс аз бойгонӣ

    Палатаи болоии парлумони Тоҷикистон хабар дод, ки Озода Раҳмон, раиси Кумитаи Маҷлиси миллӣ дар бахши таъмини асосҳои конститутсионӣ, ҳуқуқу озодиҳои инсон, шаҳрванд ва қонуният бо пешниҳоди Шӯрои Маҷлиси мазкур, мақоми ҷадид гирифтааст

    2905
  • Мулоқоти раисҷумҳури Русия Владимир Путин бо президенти Тоҷикистон Эмомалӣ Раҳмон

    Раисҷумҳури Русия унвонии президенти Тоҷикистон Эмомалӣ Раҳмон даъватнома барои иштирок дар 75 - умин солгарди ғалаба дар Ҷанги Бузурги Ватанӣ ирсол намудаст.

    594
  • Мошини БДА

    Додгоҳи ноҳияи Шаҳринав кашмакаши як ронандаи солхӯрда бо нозири роҳро, ки навори он ба интернет роҳ ёфта буд, баррасӣ карда, ронандаро ба андозаи беш аз 38 ҳазор сомонӣ ҷарима баст

    484