ВМКБ даромади буҷаро аз ҳисоби сарчашмаҳои худӣ барзиёд иҷро кард

© Sputnik / Амир ИсаевГосударственных флаг на флагштоке в городе Хорог, архивное фото
Государственных флаг на флагштоке в городе Хорог, архивное фото - Sputnik Тоҷикистон
Обуна шудан
Сарраёсати молияи Вилояти Мухтори Куҳистони Бадахшон иттилоъ дод, ки иҷрои нақшаи даромади буҷа тайи 9 моҳи соли равон аз ҳисоби сарчашмаҳои худи вилоят ба андозаи 103,5 фоиз таъмин гардид

ДУШАНБЕ, 17 окт — Sputnik. Тибқи иттилои дафтари матбуоти ҳукумати ВМКБ, дар 9 моҳи соли равон ба буҷаи вилоят ба ҷои 64 миллиону 468 ҳазор сомонии нақша, 66 миллиону 708 ҳазор сомонӣ ворид шуд, ки 3,5 дарсад бештар мебошад.

Последствие пожара в ГБАО - Sputnik Тоҷикистон
Сӯхтор дар Роштқалъа: супориши Ёдгор Файзов ба раис барои ҳисоби хисорот - акс

Манбаъ афзуд, ки Форуми байналмилалии сармоягузории “Помиринвест – 2019”, ки ахиран дар вилоят баргузор шуд, беш аз 170 сармоягузор, аз ҷумла 30 сармоягузори хориҷӣ аз Иёлоти Муттаҳидаи Амрико, Канада, Ҷумҳурии Исломии Покистон, Ҷумҳурии Ҳиндустон ва Ҷумҳурии Халқии Чинро ба ҳам овард.

“Дар ин давра дар соҳаи маориф аз ҳисоби ҳамаи сарчашмаҳои маблағгузорӣ дар 33 иншооти соҳа бо арзиши умумии 219,6 млн сомонӣ корҳои сохтмонӣ идома дошта, ба ҳолати 1 октябри соли ҷорӣ маблағи 52,2 млн сомонӣ истифода шудааст”, - омадааст дар иттилоия.

Мақомоти вилоятӣ дар маҷмуъ нишондиҳандаҳои асосии макроиқтисодии вилоятро мусбӣ арзёбӣ карда, афзуданд, ки дар 9 моҳ ҳаҷми боркашонӣ 4,4 фоиз, гардиши бор 20,7 фоиз, мусофиркашонӣ 6,9 фоиз, гардиши савдои яклухт ва чакана 10,5 фоиз ва ҳаҷми хизматрасониҳои пулакӣ 7,1 фоиз нисбат ба 9 моҳи соли 2018 афзудааст.

Лентаи хабарҳо
0