Супориши Раҳмон: корвони мошинҳо ба гаронтарин бозори ҷумҳурӣ рафт

© акс аз саҳифаи Ғолиб Ниятбеков, сухангӯи Ҳукумати ВМКБЁдгор Файзов, раиси ВМКБ ва Маҳмадтоҳир Зокирзода, муовини нахуствазири Тоҷикистон дар бозори Хоруғ
Ёдгор Файзов, раиси ВМКБ ва Маҳмадтоҳир Зокирзода, муовини нахуствазири Тоҷикистон  дар бозори Хоруғ - Sputnik Тоҷикистон
Обуна шудан
Эмомалӣ Раҳмон, раисиҷумҳури Тоҷикистон 21 декабар, дар рӯзи сафараш ба вилояти Хатлон дастур дод, ки маҳсулоти кишоварзӣ ба Вилояти мухтори куҳистони Бадахшон фиристода шаванду бо нархи арзон ба мардум ироа гарданд

ДУШАНБЕ, 22 дек — Sputnik. Тибқи иттилои ҳукумати вилояти Хатлон, бо дастури Раҳмон аз вилояти Хатлон барои ярмаркаи фурӯши маҳсулоти кишоварзӣ дар шаҳри Хоруғи Вилояти Мухтори Кӯҳистони Бадахшон 85 тонна маҳсулот фиристода шуд.

Продавец в магазине считает сдачу - Sputnik Тоҷикистон
Нақшаи даромади буҷаи Хатлон 100 дарсад иҷро шуд

“Корвони мошинҳои ҳомили маҳсулоти кишоварзӣ аз шаҳри Бохтар ба самти Хоруғ ба ҳаракат даромад. Аз ноҳияҳои вилояти Хатлон ба Бадахшон 30 тонна сабзӣ, 15 тонна пиёз, 14 тонна картошка, 9 тонна биринҷ, 7 тонна лимӯ, 5 тонна равған ва 5 тонна гӯшти мурғ фиристода шуд”, - омадааст дар иттилоия.

Манбаъ афзуд, ярмаркаи фурӯши маҳсулоти кишоварзӣ дар шаҳри Хоруғ бахшида ба фарорасии Соли нави мелодӣ ташкил гардида, маҳсулоти кишоварзии Хатлон дар он бо нархҳои дастрас пешниҳоди сокинон мегардад.

Қаблан Хадамоти зиддиинҳисорӣ дар пайи таҳлили нархи бозорҳои кишвар гуфта буд, ки аксаран маводи ғизоии арзон дар вилояти Суғд ва гаронтарин дар Вилояти Мухтори Кӯҳистони Бадахшон мебошанд. 

Лентаи хабарҳо
0