Раиси Бонки миллии Тоҷикистон дақиқ гуфт, интиқоли пул чӣ қадар кам шудааст

© Национальный банк ТаджикистанаГлава Нацбанка Таджикистана Джамшед Нурмахмадзода
Глава Нацбанка Таджикистана Джамшед Нурмахмадзода - Sputnik Тоҷикистон
Обуна шудан
Аз аввали соли равон то имрӯз муҳоҷирони меҳнатии Тоҷикистон аз хориҷ аз кишвар 195 миллион доллар камтар пул интиқол додаанд

ДУШАНБЕ, 22 июл — Sputnik. Ҷамшед Нурмаҳмадзода раиси Бонки миллии Тоҷикистон имрӯз зимни нишастӣ матбуотӣ таъкид дошт, ки интиқоли пул аз хориҷи кишвар 14,8 дарсад кам шудааст.

Терминал оплаты банковскими картами и денежные купюры, архивное фото - Sputnik Тоҷикистон
Эмомалӣ Раҳмон гуфт, чӣ қадар интиқоли пул аз Русия ба Тоҷикистон коҳиш ёфт

Ба гуфтаи вай, дар шаш моҳи соли равон муҳоҷирони меҳнатии Тоҷикистон ба кишвар 999 миллион доллар интиқол доданд, ки нисбат ба ҳамин давраи соли гузашта 174 миллион доллар камтар будааст.  

Ҷамшед Нурмаҳмадзода инчунин зикр кард, ки кам шудани интиқоли пул аз ҷониби муҳоҷирони меҳнатӣ ба мубодилаи асъор таъсир расондааст ва Тоҷикистон имрӯз ин мушкилотро паси сар кардааст. 

“Мо маблағҳои муайян дорем, ки метавонем аз онҳо истифода кунем. Мо ин маблағҳоро дар ин замон метавонем барои беҳтар намудани вазъи иқтисодии кишвар равона созем. Ба ҳамин хотир, мо ин мушкилотро паси сар кардем”, - гуфт раиси Бонки миллӣ дар нишасти хабарӣ.  

Ҳамзамон раиси Бонки миллӣ қайд кард, ки интиқоли пул дар моҳи июн каме беҳтар шудааст. Дар ин моҳ ба Тоҷикистон нисбат ба ҳамин давраи соли қаблӣ 0,7 дарсад пул бештар ворид шудааст.

Лентаи хабарҳо
0