09:17 20 сентябри 2020
Пахши мустақим
  • USD10.33
  • EUR12.22
  • RUB0.14
Иқтисод
Гирифтани линки кӯтоҳ
358 0 0

Дар Тоҷикистон аз имрӯз 1 сентябр маоши кормандони давлатӣ, нафақа ва стипендияҳои донишҷӯён зиёд карда мешавад. Эмомалӣ Раҳмон дастур дод, ки маош саривақт пардохт карда шавад

ДУШАНБЕ, 1 сен - Sputnik. Эмомалӣ Раҳмон, раисиҷумҳури Тоҷикистон, як рӯз қабл аз афзоиши маошу нафақа дар ҷумҳурӣ, зимни маҷлис ба Ҳукумат супориш дод, ки пардохти саривақтии онро таъмин созанд.

Таъкиди раисиҷумҳур дар ҳолест, ки қаблан дар шабакаҳои иҷтимоӣ корбарон аз саривақт пардохт нашудани маош шикоят карданд.

Бар асоси фармони раисиҷумҳур, аз 1 сентябри соли 2020 маоши хизматчиёни давлатӣ, аз ҷумла, дар соҳаҳои маориф, тандурустӣ, ҳифзи иҷтимоӣ, илм ва фарҳанг, идоракунии давлатӣ 15% ва маоши кормандони мақомоти ҳифзи ҳуқуқ ва мудофиа - 10% зиёд карда мешавад.

“Инчунин андозаи стипендияи донишҷӯён барои таҳсилоти олӣ ва миёнаи касбӣ, ба истиснои стипендияҳои президентӣ, курсантҳои донишгоҳҳои олии ҳарбӣ ва Академияи ВКД -15% зиёд карда мешавад”, - хотиррасон кард Ховар.

Манбаъ таъкид намудааст, ки тибқи фармони Президент, аз 1 сентябр ҳадди ақали нафақа низ 15% зиёд карда шуд ва мутаносибан 207 ва 978 сомониро ташкил хоҳад кард. Андозаи нафақаи маъюбии иҷтимоӣ 50% аз ҳадди ақалли нафақа зиёд карда мешавад.

Барчаспҳо:
пардохти подош, Эмомалӣ Раҳмон, Тоҷикистон

Мавзӯъҳои асосӣ