Додгоҳи Амрико “Агроинвестбонк”,-ро ки дар ҳолати варшикаст шудан қарор дорад, ҷарима кард

© Sputnik / Амир ИсаевАгроинвестбанк, архивное фото
Агроинвестбанк, архивное фото - Sputnik Тоҷикистон
Обуна шудан
Додгоҳе дар Ню-Йорки Амрико бонки сармоягузории “Агроинвестбонк” -ро ба пардохти беш аз 24 миллион ҳазор доллар ҷарима ба нафъи як ширкати Ҳонг-Конг маҳкум кард

ДУШАНБЕ, 8 сен — Sputnik. “Агроинвестбонк”, ки дар ҳоли ҳозир дар остонаи варшикаст шудан қарор дорад ба иттиҳоми амал накардан ба таъаҳҳудоти хеш дар қиболи ширкати Super Perfect Investment Ltd,  ки соҳиби он як табааи Австрия  аст, ба пардохти 24 миллиону 500 ҳазор доллар  ҷарима маҳкум кард, иттилоъ додааст радиои тоҷикии Садоии Хуросон.

Агроинвестбанк, архивное фото - Sputnik Тоҷикистон
Тафтиши саросарии "Агроинвестбонк": Ожонси зидди фасод пулҳои “гумшуда”-ро меҷӯяд

Бино бар иттилои манбаъ, соҳибкори австриягӣ Элиз Шинбергер ва вакилони ӯ изҳор доштанд, ки Бонки сармоягузории кишоварзии Тоҷикистон дар Сити Бонки Амрикои Ню Йорк суратҳисоб дорад ва аз ин рӯ маҷбур аст барои риоя накардани он ҷарима супорад. Додгоҳи Швейтсария қаблан дар ҳамин ҳолат бонки Тоҷикистонро 19 миллион доллар ҷарима бастааст.

Моҷаро ба тавофуқи банки сармоягузории кишоварзии Тоҷикистон бо ширкати ёдшудаи Ҳонг-Конгӣ дар соли 2013 бармегардад, ки бо тазмини ин бонки тоҷикистонӣ ширкате бо номи Ливканд ваъда дода буд, ки 20 ҳазор тонна пахта мефурӯшад.

Аммо бо вуҷуди интиқоли маблағи панҷ миллиону 367 ҳазор доллар ба ҳисоби ширкати Ливканд аз тариқи бонки кишоварзии Тоҷикистон  ин муомила анҷом нашуд ва ширкати Ҳонг-Конг  ҳеҷ пахтае дарёфт накард.
Бонки сармоягузории кишоварзии Тоҷикистон аз соли 2016 дар бӯҳрони молӣ гирифтор асту наметавонад маблағҳои ба амонат гузоштаи муштариёнашро пардохт кунад.

 800 навъи амволу сохтмонҳои ин банк ба арзиши молии 900 миллион сомонӣ ба фурӯш гузошта шудааст.

Лентаи хабарҳо
0