Аз як даст садо намебарояд: Матвиенко ба Рустами Эмомалӣ зарбулмасали тоҷикӣ гуфт

© пресс-служба Совета Федерации РФПредседатель Совета Федерации РФ Валентина Матвиенко
Председатель Совета Федерации РФ Валентина Матвиенко - Sputnik Тоҷикистон
Обуна шудан
Валентина Матвиенко, раиси Шӯрои Федератсия дар ҷаласаи Комиссия оид ба ҳамкории палатаҳои болоии парлумонҳои Русия ва Тоҷикистон, зарбулмасали тоҷикиро гуфт, ки аз як даст садо намебарояд

ДУШАНБЕ, 25 ноя – Sputnik. Матвиенко зимни ҷаласаи Комиссия дар ҳузури Рустами Эмомалӣ, раиси Маҷлиси миллӣ таъкид кард, ки чунин мулоқотҳо бо риояи қоидаҳои беҳдоштӣ бояд идома дода шаванд.

Трудовые мигранты. Архивное фото - Sputnik Тоҷикистон
Рустами Эмомалӣ аз мушкили муҳоҷирон гуфт: афв то 15 декабр

Ӯ афзуд, ки танҳо бо даъватҳо  - "биёед сармоягузорӣ бештар шавад, тиҷорат зиёд гардад" чизе ҳосил намешавад. Раиси Шӯрои Федератсия таъкид намуд, ки барои амалишавӣ мо бояд шароит фароҳам созем.

"Масоили умури сармоягузорию иқтисодиро мо бояд бо назардошти пайомадҳои пандемия баррасӣ намоем. Муҳим аст, ки ба таҳкими қонунгузорӣ, дастгирии соҳибкорӣ, корхонаҳои хурду миёна, корхонаҳои муштарак таваҷҷуҳ кунем, баъзе авлавиятҳоро дар марҳилаи берун шудан аз пандемия муайян созем", - гуфт Матвиенко.

“Шукри Худо, масъалаи ҳалнашаванда надорем”

Ба гуфтаи Матвиенко, дар маҷмуъ ҳамкории иқтисодии Тоҷикистону Русия мунтазам рушд ёфта истодааст ва зикр намуд, ки 23 дарсади тиҷорати хориҷии Тоҷикистон ба Русия рост меояд.

Денежные купюры США. - Sputnik Тоҷикистон
Гузашти Чину гуфтушунид бо дигарон: муҳлати бештари Тоҷикистон барои баргардондани қарз

"Ин ҳамкориҳоро бояд бо иродаи сиёсии худ таҳким бахшем. Барои соҳибкорӣ фазои сиёсӣ миёни ду кишвар бисёр муҳим аст. Соҳибкорон ба кишвар мераванд, агар шоҳиди муносибатҳои дӯстона миёни давлатҳо бошанд. Шукри Худо мо дар ин маврид масъалаи ҳалнашаванда надорем", - гуфт раиси Шӯрои Федератсия.

Ӯ илова намуд, ки аз ҷониби дигар вазифаи парлумон аст, ки меъёрҳои қонунгузорӣ ҳамоҳанг шаванд, то ҳадди имкон шароитҳо монанд бошанд то соҳибкорию оғози кори нав осон гардад.

Матвиенко таъкид намуд, ки барои сармоягузор бисёр муҳим аст, ки қоидаҳои кор дар майдони иқтисодии Тоҷикистон шаффоф ва фаҳмо бошанд.

"Бояд талош кунем, ки бештар бо соҳибкорон иртибот дошта бошем, фаҳмонем, шарҳ диҳем. Ҳайатҳои соҳибкорон тарафайн сафар кунанд, то бахши соҳибкорӣ пуштибонии сиёсиро эҳсос намояд ва он гоҳ фаъолтар хоҳад шуд", - гуфт раиси Шӯрои Федератсия.

Ӯ хотиррасон кард, замоне ки танҳо дар бораи густариши тиҷорат суҳбат мерафт, гузашт. Ба гуфтаи Матвиенко, ҳозир замона дигар асту бояд корхонаҳои муштарак ташкил шаванд, лоиҳаҳои ҷадид ва табодули сармоягузорӣ роҳандозӣ карданд.

Рустам Эмомали прибыл с визитом в Москву - Sputnik Тоҷикистон
Тоҷикона: саломи бехатари Рустами Эмомалӣ дар Маскав

“Барои он ки ин ҳама амалӣ гардад, заминаҳои ташкилӣ заруранд, шояд бо иштироки давлат ин кор роҳандозӣ гардад. Вазифаи вазорату идораҳо аст, ки чӣ гуна корро амалӣ мекунанд, то барои соҳибкорон муфиду бошад, додугирифтҳо миёни Тоҷикистону Русия бидуни миёнаравҳо сурат гиранд”, - таъкид кард Матвиенко.

Ӯ дар охир зарбулмасали тоҷикиро зикр намуд, ки аз як даст садо намебарояд ва илова намуд, ки имрӯз дар Маскав аз ҳарду тараф дастҳо фароҳаманд ва бояд талош кард, то ҳарчи бештар садо ҳосил шавад.

Лентаи хабарҳо
0