Вазорати маориф “занги охир”-ро боз ҳам кӯтоҳтар кард

© Sputnik / Алексей Мальгавко / Гузариш ба медиабонк"Занги охир" дар мактаб
Занги охир дар мактаб - Sputnik Тоҷикистон
Обуна шудан
Ин дафъа махсус таъкид шудааст, ки риояи қатъии талаботи танзими расму оин ва дастури вазири маориф дар бораи "Занги камолот"-ро риоя кунанд, дар сурати баръакс, нисбати онҳо чораҳои маъмурӣ андешида мешавад.

ДУШАНБЕ, 22 май — Sputnik. Вазорати маориф ва илми Тоҷикистон маъракаи имсолаи "занги камолот"-ро боз ҳам маҳдудтар кард, ҳамакнун он на дар саҳни мактаб, балки дар ягон синфхона ё маҷлисгоҳ баргузор мешавад, иттилоъ медиҳад Радиои Озодӣ.

"Дар фармони вазир имсол 3 талаби сахт дар назди муассисаҳои таълимӣ ва кумитаи волидон гузошта шудааст. Омӯзгорон аз ин масаъалаҳо аллакай огоҳанд, аммо аксар вақт мо шоҳиди он мешавем, ки гунаҳкори аслии чунин чорабиниҳои бошукӯҳ ва қонунвайронкунӣ волидон ҳастанд",- гуфтааст Абдуҷаббор Алиев, масъули бахши мактабҳои миёнаи Вазорати маорифи Тоҷикистон.

Ба қавли манбаъ, "Занги камолот"  аз ин ба баъд дар чаҳорчӯби синфҳои 11 ва он ҳам на дар саҳн ё ҳавлии мактаб чун ҳарсола, балки дар ягон синфхона ё маҷлисгоҳ маҳдуд мешавад.

Бино бар ин дастур, дар тӯли 45 дақиқа омӯзгорон хонандаҳои фаъол ва ғолибони озмунҳои мактабро табрик мегӯянд ва бо ҳамин маросим тамом мешавад. Тибқи дастур волидон ба табрики фарзандони худ намеоянд ва хатмкунандаҳо набояд мунтазири тӯҳфаву сабаду гулдаста бошанд. Хатмкунандаҳо ҳамчунин бояд занги охирро на бо либосҳои муҷаллал, балки бо либосҳои маъмулӣ баргузор намоянд.

Директори маткаби  рақами 10-и шаҳри Душанбе Маҳбуба Муродова  фармони вазир дар даст чанд рӯз аст кори худро аз таъкид ва сӯҳбат бо хатмкунандаҳо шурӯъ мекунад. "Албатта, чанд сол шуд ин мушкил алакай то ҷое аз байн рафтааст, вале бо вуҷуди ин, мо имсол таъкид дорем то фармон пурра риоя шавад. Рӯзи занги камолот рӯзи корӣ аст ва хатмкунандаҳо ҳам баъд аз табрикот ба дарс машғул мешаванд,"?— гуфтааст ӯ дар сӯҳбат бо Радиои Озодӣ.

Маврид ба ёдоварист, ду рӯз қабл вазири маориф ва илм дар ҷаласаи вижае бо раҳбарони мактабҳо ва шӯъбаҳои маориф бори дигар таъкид кардааст, ки аз баргузории бошукӯҳи занги охир ҷилавгирӣ шавад. Тибқи дастури вазир, имсол ҳамчунин ба волидон ҳам таъкиди ҷиддӣ шудааст, ки аз чаҳорчӯби қонуни танзими расму оин берун набароянд ва ба фарзандони худ маблағ надиҳанд.

Лентаи хабарҳо
0