Раисони шаҳру навоҳии Суғд ба Душанбе меоянд: барои кумак ба донишҷӯён

© SputnikМедуниверситет в Душанбе
Медуниверситет в Душанбе - Sputnik Тоҷикистон
Обуна шудан
Аз 4 апрел то 12 майи соли 2018 раисони шаҳру ноҳияҳои вилояти Суғд бо ҷавононе, ки дар муассисаҳои таҳсилоти олӣ ва миёнаи касбии шаҳри Душанбе таҳсил мекунанд, вохӯриҳо баргузор менамоянд

ДУШАНБЕ, 9 янв — Sputnik.  Дар ин бора равобити умумии ҳукумати вилояти Суғд, хабар медиҳад.

Тибқи ҷадвал, раисони шаҳру ноҳияҳои вилоят бо донишҷӯён ва хатмкунандагони муассисаҳои таҳсилотии олӣ ва миёнаи касбии шаҳри Душанбе вохӯрӣ намуда, ба донишҷӯёни аълохон ва камбизоат кумакҳои моддӣ мерасонанд.

Женщины Таджикистана, архивное фото - Sputnik Тоҷикистон
Духтарони суғдиро барои мақомҳои роҳбарӣ омода мекунанд

Дар назар аст, ки пас аз вохӯриҳо барои донишҷӯён бо ҷалби ҳофизони маҳаллӣ ва шоирону нависандагон барномаҳои фарҳангӣ пешниҳод карда шавад.

Моҳи декабри соли 2017 раисони шаҳру ноҳияҳои вилоят бо ҷавононе, ки дар муассисаҳои таҳсилоти олӣ ва миёнаи касбии маркази вилоят таҳсил мекунанд, вохӯриҳо доир намуда буданд. 

Ёдоварӣ мекунем, ки дар толори шаҳрдории Хуҷанд барои омӯзиш дар курси семоҳаи "Мактаби сарварони ҷавон" озмун баргузор шудааст.

Аз байни донишҷӯёни болаёқат, ки шавқи зиёд ба сиёсат доранд, 20 нафар беҳтаринҳо тариқи саволу ҷавоб интихоб карда шуданд.

Аз ин ва баъд ҳар ҳафта, рӯзҳои панҷшанбе ба омӯзандагони курси мазкур донишмандон, сиёсатмадорон ва собиқадорони арсаи сиёсат дар мавзуъҳои мухталиф, аз ҷумла сифатҳои зан-роҳбар, омода шудан ба мақоми роҳбарӣ, таҳаммулпазирӣ, қонунгузории Ҷумҳурии Тоҷикистон дар бораи мақоми зан, рисолати хизматчии давлатӣ, усули корбарӣ дар мақомот ва ғайраҳо дарс мегӯянд.  

Лентаи хабарҳо
0