22:01 23 апрели 2019
Пахши мустақим
  • USD9.44
  • EUR10.62
  • RUB0.15
Раисҷумҳури Тоҷикистон Эмомалӣ Раҳмон дар мактаб, акс аз бойгонӣ

Дастгирӣ мекунем: Раҳмон аз таҳияи барномаи нави давлатӣ хабар дод

© Пресс-служба президента Республики Таджикистан
Маориф
Гирифтани линки кӯтоҳ
300 0 0

Мувофиқи он таъминоти муассисаҳои таълимӣ бо таҷҳизоту технологияҳои муосир аҳаммияти махсус дода мешавад, гуфт раисҷумҳур

ДУШАНБЕ, 28 авг — Sputnik. Кишвардори Тоҷикистон Эмомалӣ Раҳмон имрӯз, 28 август дар доираи ифтитоҳи мактаби 55 дар шаҳри Душанбе дар ҳузури намояндагони соҳаи маориф ва хонадангону муаллимон суханронӣ намуда, хабар дод, ки барои мактабҳои Тоҷикистон барномаи алоҳидаи давлатӣ татбиқ шуда истодааст.

Ба гуфтаи раисҷумҳур ин барномаи барои дастгирии хонандагони болаёқат таҳия хоҳад шуд.

"Бо мақсади тарбияи шахсиятҳои дорои ҷаҳонбинии муосиру пешрафта ва ҳисси баланди миллӣ, худогоҳу худшинос ва ба хотири фароҳам овардани шароити мусоид барои дастгирии хонандагони болаёқат ҳоло барномаи алоҳидаи давлатӣ татбиқ шуда истодааст", — гуфт президент.

Эмомалӣ Раҳмон афзуд, дар доираи барномаи мазкур ба масъалаҳои боз ҳам баланд бардоштани сатҳу сифати таҳсилот, малакаи касбии омӯзгорон ва таъминоти муассисаҳои таълимӣ бо таҷҳизоту технологияҳои муосир аҳаммияти махсус дода мешавад.

Ёдрас мешавем, имрӯз  дар шаҳри Душанбе бо ширкати раисҷумҳур ва раиси шаҳри Душанбе мактаби рақами 55 ба истифода дода шуд.

Барчаспҳо:
мактаб, Эмомалӣ Раҳмон, Тоҷикистон

Мавзӯъҳои асосӣ