10:01 02 апрели 2020
Пахши мустақим
  • USD10.21
  • EUR11.16
  • RUB0.13
Маориф
Гирифтани линки кӯтоҳ
273 0 0

Бо дастгирии Иттиҳоди Урупо лоиҳаи "Кӯмаки техникӣ ба Вазорати маориф ва илми Ҷумҳурии Тоҷикистон" дар самти курси такмили ихтисоси омӯзгорон татбиқ гашта истодааст

ДУШАНБЕ, 16 мар — Sputnik. Вазири маориф ва илм Муҳаммадюсуф Имомзода, рӯзи 13-уми март бо котиби якуми намояндагии Иттиҳоди Урупо дар Тоҷикистон Стефано Элеро вохӯрдааст.

Бино ба гузориши Вазорати маорифи Тоҷикистон, дар оғози вохӯрӣ Имомзода аз ҳамкориҳои судманди намояндагии Иттиҳоди Урупо дар Тоҷикистон ёдовар шуда, иброз доштааст, ки ҳамкориҳо миёни Вазорати маориф ва ташкилотҳои байналмилалӣ ва минтақавӣ дар доираи созишномаҳои аз ҷониби Ҳукумати Тоҷикистон ба имзорасида ба роҳ монда шудааст.

Инчунин, зикр кардааст, ки Иттиҳоди Урупо яке аз шарикони асосии Вазорати маориф дар соҳаи маориф ва илм буда, аз ҷониби он якчанд лоиҳаҳои грантӣ дар самти ислоҳоти низоми таҳсилоти миёна ва олии касбӣ татбиқ шуда истодаанд.

Сироҷиддин Муҳриддин бо намояндаи вижаи Иттиҳоди Урупо дар чӣ бора суҳбат кард

Стефано Элеро қайд намудааст, ки дар доираи барномаи дастгирии таҳсилоти босифат дар вазорат бо дастгирии Иттиҳоди Урупо лоиҳаи "Кӯмаки техникӣ ба Вазорати маориф ва илми Ҷумҳурии Тоҷикистон" дар самти курси такмили ихтисоси омӯзгорон, арзёбӣ ва банақшагирии таълим, маблағгузорӣ ва мониторинг татбиқ гашта истодааст.

Барчаспҳо:
Имомзода, кумак, кумак, Вазорати маориф, Иттиҳоди Аврупо, Тоҷикистон

Мавзӯъҳои асосӣ