Оғози имтиҳоноти дохилшавӣ дар Тоҷикистон

© Sputnik / Амир ИсаевВступительные экзамены в вузы, архивное фото
Вступительные экзамены в вузы, архивное фото - Sputnik Тоҷикистон
Обуна шудан
Дар Тоҷикистон шурӯъ аз имрӯз имтиҳоноти дохилшавӣ ба доннишгоҳу донишкадаҳои кишвар тариқи Маркази миллии тестӣ оғоз гардид

ДУШАНБЕ, 1 июл — Sputnik.  Тибқи иттилои дафтари матбуотии ММТ, имтиҳоноти аввалин барои довталабоне, ки дар марҳалаи асосии бақайдгирӣ (аз 2-юми март то 30-юми апрел) номнависшуда, ки гурӯҳи ихтисосҳои 1-ум (табиӣ ва техникӣ)-ро интихоб кардаанд, имтиҳон дар заминаи таҳсилоти умумӣ – қисми А оғоз гардид. 

Открытие нового здания факультета политики и государственного управления Государственного университета Бохтара - Sputnik Тоҷикистон
ММТ қоидаҳои қабул ба донишгоҳҳои Тоҷикистонро дар соли 2020 эълон кард

Ба иттилои манбаъ, Дар соли 2020 шумораи умумии довталабони дорои таҳсилоти миёнаи умумӣ (синфи 11-ум), ибтидоӣ ва миёнаи касбии дар марҳалаи асосии бақайдгирӣ номнависшуда 98840 нафарро ташкил додааст.

Манбаъ мегӯяд, имрӯз дар ин имтиҳон иштироки 16 ҳазору 601 нафар довталаби дар марҳалаи асосии бақайдгирӣ номнависшудаи гурӯҳи ихтисосҳои 1-умро интихобкарда дар назар аст.

Гуфта мешавад, давраи асосии имтиҳонҳо мувофиқи ҷадвали муқарраршуда аз 1-ум то 7 уми июл дар 48 маркази имтиҳонӣ дар 18 шаҳру ноҳия доир мешавад.

Диктант - Sputnik Тоҷикистон
Баъди артиш дохилшавӣ ба донишгоҳ осонтар мешавад: имтиёзи ММТ ба хизматкардаҳо

ММТ мегӯяд, бо мақсади дар сатҳи зарурӣ баргузор кардани имтиҳонҳо дар шароити паҳншавии бемории COVID-19 тамоми чораҳои безараргардонӣ андешида мешавад.

“Пеш аз воридшавии довталабону шахсони дигар ба маркази имтиҳонӣ ҳарорати бадани ҳар яки онҳо санҷида мешавад”,-афзудааст манбаъ.

Дафтари матбуотии ММТ мегӯяд, кормандони муваққатию доимӣ ва шахсони дигари дар марказҳои имтиҳонӣ ба кор ҷалбгардида, ки бевосита бо довталабон кор мекунанд, бояд ниқоби тиббӣ ва дастпӯшакҳои резинии тиббӣ пӯшанд.

Лентаи хабарҳо
0