Маркази тестӣ хатмкунандагони Бадахшону Суғд ва Раштро аз имтиҳони озмоишӣ мегузаронад

© Sputnik / Амир ИсаевВступительные экзамены в вузы, архивное фото
Вступительные экзамены в вузы, архивное фото - Sputnik Тоҷикистон
Обуна шудан
Мақсади гузаронидани озмоиши мазкур, шиносоии хатмкунандагон бо тарҳи нави маҷмӯи фанҳои имтиҳонӣ, дарки масъулият дар вақти супоридани имтиҳонҳои воқеӣ ва шинос шудан бо таркиби саволу масъалаҳо мебошад

ДУШАНБЕ, 8 дек - Sputnik. Маркази миллии тестӣ қасд дорад аз 8 то 10 декабр дар 21 шаҳру ноҳияи ҷумҳурӣ, хатмкунандагонро аз имтиҳони озмоишӣ гузаронад, хабар медиҳад агентии "Ховар".

Довталабон дар назди Маркази миллиии тестӣ - Sputnik Тоҷикистон
Муҳим: Маркази миллии тестӣ имтиҳонро дар асоси тарҳи нав доир мекунад

Ба иттилои манбаъ, имтиҳони озмоишӣ дар 3 шаҳру ноҳияҳои Вилояти Мухтори Кӯҳистони Бадахшон, ноҳияи Рашт ва 17 шаҳру ноҳияи вилояти Суғд баргузор мегардад.

Танҳо як имтиҳон: Маркази миллии тестӣ шартҳоро дигар кард

Гуфта мешавад, Маркази миллӣ дониши дасти кам 5255 нафар хатмкунандагони муассисаҳои таълимии таҳсилоти миёнаи умумиро месанҷад.

Дар мувофиқа бо муассисаҳои таълимӣ хатмкунандагон бо чунин тарз ба гурӯҳи ихтисосҳо тақсимот шудаанд:

  • гурӯҳи ихтисосҳои 1-ум (табиӣ ва техникӣ) – 802 нафар хатмкунанда;
  •  гурӯҳи ихтисосҳои 2-юм (иқтисод ва география) – 882 нафар хатмкунанда;
  •  гурӯҳи ихтисосҳои 3-юм (филология, педагогика ва санъат) – 1053 нафар хатмкунанда;
  •  гурӯҳи ихтисосҳои 4-ум (ҷомеашиносӣ ва ҳуқуқ) – 726 нафар хатмкунанда;
  •  гурӯҳи ихтисосҳои 5-ум (тиб, биология ва варзиш) – 1792 нафар хатмкунанда.

Коркарди варақаҳои ҷавобҳо дар Маркази миллии тестӣ ба таври автоматӣ гузаронида шуда, натиҷаи он ба раёсату шуъбаҳои маорифи шаҳру ноҳияҳо вобаста ба ҳар иштирокчӣ равона карда мешавад.

Манбаъ меафзояд, мақсад аз гузаронидани озмоиши мазкур, шиносоии хатмкунандагон бо тарҳи нави маҷмӯи фанҳои имтиҳонӣ, дарки масъулият дар вақти супоридани имтиҳонҳои воқеӣ ва шинос шудан бо таркиби саволу масъалаҳои тест вобаста ба фанҳои имтиҳонҳо мебошад.

Лентаи хабарҳо
0