14:14 10 апрели 2020
Пахши мустақим
  • USD10.23
  • EUR11.19
  • RUB0.14
Интихобот - 2015
Гирифтани линки кӯтоҳ
2 0 0

Ҳизби наҳзати исломии Тоҷикистон аз аъмоли ноҷавонмардонае, ки нисбати номзадҳои ин ҳизб дар интихоботи маҳаллӣ аз сӯйи коммисияҳои маҳаллии интихоботӣ сурат мегиранд, хабар додааст.

ДУШАНБЕ, 25 фев — Sputnik. Сабти номи чаҳор номзад ба маҷлисҳои маҳаллӣ аз Ҳизби наҳзати ислом гӯиё бар асоси аризаи худи онҳо лағв шудааст ва аз ҳафт номзади дигар дархост шудааст, ки номзадии худро бозпас бигиранд, хабар медиҳад сойти ҲНИТ.

12 феврал Аҳмадҷон Сангов аз ҳавзаи интихоботии Рӯдакӣ №37, Абдунаим Каримов аз ҳавзаи Рӯдакӣ №18 ва Маҳмадназар Хоҷаев аз ҳавзаи интихоботии Рӯдакӣ №30 санади сабти номи номзад дарёфт карданд. Вале баъд аз чанд рӯз аз номи онҳо аризаҳо дар бораи бозпас гирифтани номзадиашон навишта шудаанд, омадааст дар хабар.

"Субҳи рӯзи сешанбе ба ман занг зада гуфтанд, ки ман дигар ҳаққи таблиғи номзадиамро надорам, зеро дар бораи бозпас гирифтани номзадиам ариза навиштааст", — гуфт Сангов.

Дар хабар ҳамчунин омадааст, ки аз номи Каримов навиштаанд: "бо далели масоили оилавӣ ва ба далели вазъи саломатӣ ман номзадии худро бозпас мегирам".

Ба ҷуз аз ин се нафар, 22 феврал дар бораи лағви номзади ҲНИТ аз ҳавзаи интихоботии Шоҳмансур №26 ба Раҳимҷон Шукуров хабар додаанд, менависад сойти ҳизб.

Ҳамчунин тибқи иттилоъи ситоди интихоботии ҲНИТ, ҳавзаҳои интихоботии ноҳияи Шоҳмансур, "аз ҷумла №5,№11,№18,№19,№20,№33 ва №37 бидуни ҳеҷ як далели қонунӣ аз номзадҳои ҳизб тақозо кардаанд, ки номзадии худро бозпас бигиранд".

Интихоботи маҷлисҳои маҳаллӣ якуми март баргузор мешаванд ва он иштироки 5,7 ҳазор номзади сабтиномшуда дар назар аст.

Мавзуъ

Интихобот ва ҳолу ҳавои "исломхоҳӣ"-и аҳзоби Тоҷикистон
Президент: “ба интихобот ва оромии кишвар хиёнат накунед”
Шарипов дар интихобот бо духтари бунёдгузори ҲНИТ рақобат мекунад
Раиси КМИР: навори “ҷангу сулҳ”-и ҲНИТ хилофи қонун аст
ҲНИТ боздошти Маҳмудовро амали аз қабл тарҳрезишуда номид
Ба рекламаи сиёсии ҲНИТ дар Душанбе иҷоза надоданд
ҲНИТ аз болои раиси Шӯрои уламо ба додгоҳ шикоят мебарад
ҲНИТ: Вазорати адлия ба мо намегӯяд, ки дар куҷо ҷаласа гузаронем
Дуздон мӯҳри ҲНИТ-ро рабуданд
Барчаспҳо:
маҷлисҳои маҳаллӣ, интихобот, лағви сабти номзадҳои интихоботии ҲНИТ, ҲНИТ, Раҳимҷон Шукуров, Маҳмадназар Хоҷаев, Абдунаим Каримов, Аҳмадҷон Сангов, ноҳияи Рӯдакӣ, Тоҷикистон

Мавзӯъҳои асосӣ