03:30 26 майи 2018
Пахши мустақим
  • USD8.98
  • EUR10.49
  • RUB0.14
Линии электропередачи. Архивное фото

Тоҷикистон ва Қазоқистон ба якдигар барқ хоҳанд дод

© Sputnik
Энергетика
Гирифтани линки кӯтоҳ
113 0 0

Чаҳордаҳумин нишасти Кумисюни ҳамкориҳои иқтисодии Тоҷикистон ва Қазоқистон 12 – 13 феврал дар шаҳри Душанбе баргузор шуд

ДУШАНБЕ, 14 фев — Sputnik. Тоҷикистон ва Қазоқистон қарор доданд, ки тарҳи мубодилаи нерӯи барқ миёни ду кишварро имконсанҷӣ кунанд.

Ба гузориши равобити умумии Вазорати энержии Қазоқистон, 12 – 13 феврал дар шаҳри Душанбе 14-умин нишасти Кумисюни ҳамкориҳои иқтисодии Қазоқистон ва Тоҷикистон баргузор шудааст.

Дар ин нишаст, ки ба раёсати муовини вазири энержии Қазоқистон Булат Акчулаков ва раиси Кумитаи давлатии сармоягузорӣ ва идораи амволи давлатии Тоҷикистон Фаррух Ҳамрализода баргузор шуд, гузориш дода шуда, ки ҳаҷми мубодилаи коло миёни ду кишвар дар соли гузашта 838,9 милюн дулор буда, ки 163 милюн дулор бештар аз соли 2016 аст. Аз ин миқдор наздик ба 515 милюн дулор аз  воридот ва 324,3 милюн дулор аз содирот ба даст омадааст.

Дар  ин ҷаласа коршиносони  вазорату идораҳои ду кишвар масоили мубрами ҳамкории дуҷонибаро дар  бахшҳои  иқтисод, тиҷорат, сармоягузорӣ, бонкдорӣ, таробарӣ, ҳавопаймоии мусофирбарӣ, омӯзишу илм, кишоварзӣ, муҳоҷират, обу барқ, ҳифзи муҳити зист, тандурустӣ, фарҳанг, варзиш ва гардишгариро баррасӣ карданд.

Кумисюни ҳамкориҳои иқтисодии ду кишвар ҳамчунин роҳу чораҳои густариши ҳамкориҳо дар бахши сармояпазирӣ, бунёди корхонаҳои муштарак, афзоиши зарфияти ҳамкориҳо, иҷрои тарҳҳои муштараки иқтисодӣ ва сармоягузорӣ баррасӣ кардааст.

Ду кишвар дар ин нишаст қарор додаанд, ки пас аз барқарор кардани фаъолияти ҳамзамони шабакаи барқи Тоҷикистон ва шабакаи муштараки барқи кишварҳои Осиёи Марказӣ тарҳи табодули барқ миёни Тоҷикистон ва Қазоқистонро имконсанҷӣ кунанд.

Мавзуъ

Тоҷикистон аз баҳор ба Узбакистон барқ содир хоҳад кард
Коршинос: Сохти хатти барқи CASA-1000 аз Ботканд ба Суғд бо душвориҳо рӯбарӯ мешавад
Барчаспҳо:
барқрасонӣ, тарҳи табодули барқ, Фаррух Ҳамрализода, Булат Акчулаков, Қазоқистон, Тоҷикистон

Мавзӯъҳои асосӣ