Таҷдиди ширкати "Барқи тоҷик" ба таъхир афтод

© Sputnik / Амир ИсаевЗдание энергохолдинга "Барки точик", архивное фото
Здание энергохолдинга Барки точик, архивное фото - Sputnik Тоҷикистон
Обуна шудан
Таҷдиди сохтори ширкати “Барқи тоҷик” бояд то охири соли 2018 ба анҷом мерасид, аммо масъулини ширкат эълон намуданд, ки ба сабаби тӯл кашидани ҳамоҳангсозии санадҳо бо идораҳои дахлдор таҷдиди сохтор ба таъхир афтодааст.

ДУШАНБЕ, 12 фев - Sputnik. Рустам Маҷидзода, сардори бахши молияи "Барқи тоҷик" зимни нишастии матбуотӣ гуфт, ҳоло раванди таҷдиди ширкат ба таъхир афтодааст.

Здание Барки Точик. Архивное фото - Sputnik Тоҷикистон
Тағйири сохтори “Барқи тоҷик”: БОР ба Тоҷикистон кумак мекунад

Ба гуфтаи вай, сабаби аслии ба таъхир афтодани таҷдиди ширкат, дар тӯл кашидани баррасии санадҳои дахлдор дар Кумитаи давлатии сармоягузорӣ ва идораи амволи давлатии Тоҷикистон мебошад.

“Ҳаҷми маводҳои пешниҳодшуда бе ниҳоят зиёд буд.  Гуруҳи корие, ки ташкил шуда буд фақат то охири сол масъалаи баҳогузории воситаҳои асосиро анҷом дод”, - таъкид кард Маҷидзода.  

Ёдрас мешавем, Эмомалӣ Раҳмон, раисҷумҳури Тоҷикистон, қарори ба се ҷамъияти саҳомӣ тақсим шудани ширкати “Барқи Тоҷик”-ро рӯзи 28-уми апрели соли 2018 ба имзо расонида буд.

Тибқи қарори мазкури ба вазорату идораҳои кишвар дастур дода шуда буд, ки дар тӯли се моҳи оянда дар заминаи “Барқи Тоҷик” ҷамъияти саҳомии “Шабакаҳои интиқолдиҳандаи барқ” ва “Шабакаҳои тақсимкунандаи барқ”-ро таъсис дода шавад.

Тибқи санадҳои мазкур ин ду ширкат масъули нигоҳубини хатҳои барқу симчӯбҳо ва фурӯшу ҷамъоварии пули барқ хоҳанд шуд.

Здание Барки Точик. Архивное фото - Sputnik Тоҷикистон
"Барқи тоҷик" ҷудо шуд: тақсими амвол идома дорад

Дар ҳамин ҳол Рустам Маҷидзода таъкид намуд, ки Феълан барои таҷдиди сохтори ширкати "Барқи тоҷик"як гурӯҳи корӣ фаъолият дорад.

 “Оинномаҳои ин ду ҷаъмият омода мебошанд ва барои ҳамоҳангсозӣ ба идораҳои дахлдор пешниҳод шудаанд”, - қайд намуд вай.

Вай афзуд дар рӯзҳои наздик баъд аз мувофиқаи оинномаҳо лоиҳаи қарор ба ҳукумати Тоҷикистон пешниҳод хоҳад шуд.

Лентаи хабарҳо
0