ДУШАНБЕ, 4 мар — Sputnik. Тибқи иттилои дафтари матбуоти раисиҷумҳури Тоҷикистон, Раҷабзода, ки инчунин мақоми муовини якуми директори муассисаи мазкурро ба уҳда доштааст, бо сабаби баромадан ба нафақа аз ин вазифаҳо озод гардид.
Инчунин бо амри раисиҷумҳур, Савзаалӣ Назирзода бо сабаби ба кори дигар гузаштанаш аз вазифаи сардори раёсати хоҷагии Дастгоҳи иҷроияи Президенти Тоҷикистон озод шуд.
Барканории сармуҳандиси Муассисаи давлатии “Мудирияти минтақаи зериобшавандаи Нерӯгоҳи барқи обии “Роғун” дар ҳолест, ки феълан ин нерӯгоҳ корҳои профилактикӣ ҷараён доранд.
Ба иттилои манобеи Sputnik тавлиди барқ дар нерӯгоҳ мутаваққиф шуда, оби обанбор поин бурда шудааст. Масъулин ин амалро ба зарурати анҷоми корҳои профилактикӣ рабт доданд.
