11:36 12 июли 2020
Пахши мустақим
  • USD10.31
  • EUR11.64
  • RUB0.14
Энергетика
Гирифтани линки кӯтоҳ
531 0 0

Вазорати умури дохилии Тоҷикистон иттилоъ дод, ки давлат аз пинҳон кардани нерӯи барқи истифодашуда дар корхонаи “Джонг Фу” дар шаҳри Ваҳдат тайи 4 моҳи охир беш аз 6 миллиону 158 ҳазор сомонӣ зарар дидааст

ДУШАНБЕ, 17 авг - Sputnik.  Мақомоти умури дохилии Тоҷикистон дар пинҳонкунии ҳаҷми барқи истифодашуда марди 55-сола, сокини кӯчаи Туниси шаҳри Душанберо муттаҳам мекунанд.

“Номбурда, аз моҳи апрели соли 2019 ба ҶДММ “Джонг Фу” дар шаҳри Ваҳдат маълумоти бардурӯғ ворид намуда, ба миқдори 9 миллиону 489 ҳазору 832 киловат соат қувваи барқи истифодашударо барои пардохт пешниҳод накардааст, ки дар натиҷа ин миқдор қувваи барқ аз ҳисоб берун ва пинҳонӣ монда, ба давлат ба маблағи 6 миллиону 158 ҳазору 17 сомонӣ зарари моддӣ расонидааст”, - омадааст дар иттилоия.

Манбаъ афзуд, зимни доир намудани чорабиниҳои оперативӣ-ҷустуҷӯӣ аз ҷониби кормандони милиса марди 55-солаи сокини кӯчаи Туниси шаҳри Душанбе ҳамчун гумонбар дар расонидани зарари молӣ бо роҳи фиреб ё сӯистифодаи боварӣ дастгир карда шуд.

Нисбати марди мазкур парвандаи ҷиноятӣ бо моддаи 253 қисми 3 Кодекси ҷиноятии Ҷумҳурии Тоҷикистон оғоз карда шуда, тафтишот идома дорад, хабар дод ВУД.

Корхонаи “Джонг Фу” дар шаҳри Ваҳдат ҷойгир буда, ба истеҳсоли конструксияҳои пӯлодини бинокорӣ машғул мебошад.

Мавзӯъҳои асосӣ