13:05 05 августи 2020
Пахши мустақим
  • USD10.31
  • EUR12.12
  • RUB0.14
Энергетика
Гирифтани линки кӯтоҳ
209 0 0

Идораи миллии Барқи Афғонистон эълом кард, ки ба далели камбуди об дар Тоҷикистон 310 мегават барқ аз 350 мегават барқи содиротии он кишвар ба Афғонистон қатъ шуд

ДУШАНБЕ, 27 июл — Sputnik. Идораи барқи Афғонистон (ширкати Буршно) имрӯз бо интишори иттилоияе эълом кардааст, ки бо кишвари Ӯзбекистон вориди гуфтугӯ шуда то коҳиши содироти барқи Тоҷикистонро аз Узбакистон ҷуброн куна, иттилоъ додааст радиои тоҷикии Садои Хуросон.

Акнун барқ дар шаҳри Кобул ва чанд шаҳри дигар қатъ шуда ва мардуми пойтахт дар авҷи гармои тобистон дар набуди барқ бо гармои шадид рӯбарӯ ҳастанд.

Ин вазъият ба зиндагии оддии мардум мушкилоти зиёде ворид кард.

Ширкати Буршно афзудааст, ки то замони тавофуқ бо кишвари Ӯзбекистон ва васли барқ, танҳо бемористонҳо ва идороти давлатӣ ба сурати навбатӣ аз манобеи дохилӣ истифода хоҳанд кард.

Вилоятҳои Кобул, Нангарҳор, Луғмон, Лугар, Пактё, Хӯст, Парвон, Панҷшер, Кописо, Бағлон ва қисмате аз вилояти Қундуз аз барқи воридотии Тоҷикистон истифода мекарданд, ки бо қатъи он, барқи ин вилоятҳо низ қатъ шудааст.

Барчаспҳо:
камбуд, қатъ, содирот, барқ, Афғонистон, Тоҷикистон

Мавзӯъҳои асосӣ