Қарзи "Барқи тоҷик" ба 154 миллион доллар расид

© Sputnik / Амир ИсаевЗдание энергохолдинга "Барки точик", архивное фото
Здание энергохолдинга Барки точик, архивное фото - Sputnik Тоҷикистон
Обуна шудан
Нерӯгоҳи Сангтӯда-1 аз аввали соли 2020 ба бозори энержии Тоҷикистон аз ҳаҷми пешбинишуда камтар интиқол додааст. Сабаб ба коҳиши хариди нерӯи барқ ​​аз Барқи Тоҷик иртибот дорад.

ДУШАНБЕ, 27 окт — Sputnik. Қарзи Ширкати Саҳомии Холдингии Кушодаи “Барқи Тоҷик” аз НБО нерӯгоҳи "Сангтӯда-1"  қариб ба 154 миллион доллар расидааст, хабар медиҳад хадамоти матбуоти нерӯгоҳ.

Здание энергохолдинга Барки точик, архивное фото - Sputnik Тоҷикистон
Қарзҳо – “ҳамсафари доимӣ” – и “Барқи тоҷик” – омор

Тибқи иттилои расмӣ, аз аввали соли 2020 нерӯгоҳ ба бозори энержии Тоҷикистон 1,6 миллиард кВт/соат нерӯи барқ ​​додаасӣ. Ин нишондиҳанда нисбат ба ҳаҷми пешбинишуда 76,6 миллион кВт/соат ва нисбат ба ҳамин давраи соли 2019 114,6 миллион кВт/соат камтар шудааст.

Хадамоти матбуоти нерӯгоҳ гуфтааст, ки сатҳи миёнаи истифодаи иқтидори насбшудаи НБО Сангтӯда-37,8% -ро ташкил додааст.

Гуфта мешавад, дуршавии нишондиҳандаи воқеӣ аз нишондиҳандаи пешбинишуда ба кам шудани ҳаҷми харидории нерӯи барқ ​​аз “Барқи Тоҷик” вобаста аст.

Дар давраи ҳисоботӣ, арзиши умумии нерӯи барқ, ки аз ҷониби холдинг дода мешавад, ба 49,7 миллион доллар расид. Аммо сатҳи миёнаи пардохт аз оғози соли 2020 аз 44% зиёд нест, ки ин афзоиши минбаъдаи қарзи Барқи Тоҷикро аз НБО Сангтӯда-1 бармеангезад.

Хатзании қарзҳо: қарори Ҳукумат барои дастгирии “Барқи тоҷик”

Манбаъ мегӯяд, дар давраи ҳисоботӣ, нерӯгоҳ ба  ШХСК “Барқи Тоҷик” ба арзиши умумии 49,7 миллион доллар барқ додааст.

Здание энергохолдинга Барки точик, архивное фото - Sputnik Тоҷикистон
Чигуна дар “Барқи тоҷик” миллионҳоро медузданд? Раҳмон 4 мисол овард

Аммо ба таъкиди котиботи нерӯгоҳ “Барқи Тоҷик”  танҳо 44%-и маблағи онро додаасту халос, ки қарздорияшол боз дар назди НБО "Сангтӯда-1" зиёд кардааст.

Дар нӯҳ моҳи соли равон қарзи ширкати "Барқи Тоҷик"  27,8 миллион доллар афзуда, то 30 сентябри соли ҷорӣ ба 154 миллиард доллар баробар шудааст.

ҶСК "НБО Сангтӯда-1" — муассисаи муштараки Русия ва Тоҷикистон аст, ки моҳи феврали соли 2005  дар дарёи Вахши Ҷумҳурии Тоҷикистон бунёд гардид. Иқтидори муқарраршудаи  "Сангтуда-1" 670 МВт аст.

Аввалин гидроагрегати нерӯгоҳ 20 январи соли 2008 ба кор оғоз кард.

“Барқи тоҷик” шумори ҳолати истифодаи ғайриқонунии нерӯи барқро эълон кард

Чаҳор гидроагрегати нерӯгоҳи барқии обӣ 31 июли соли 2009 расман ба кор шурӯъ кард. Саҳми умумии коркарди нерӯи барқи НБО Сангтӯда-1 12% тавлиди кулли нерӯи барқи Тоҷикистонро ташкил медиҳад.

Лентаи хабарҳо
0