ДУШАНБЕ, 17 сен — Sputnik. Ба гузориши равобити умумии Вазорати тандурустии Тоҷикистон, сафари мазкур бо мақсади омӯзиши таҷрибаи дуҷониба дар самти табобати саратони гарданаки бачадон роҳандозӣ гардидааст.
Дар ҳайати гурӯҳи кории вилояти Суғд сармутахассисони муассисаҳои тандурустӣ, намояндагони муассисаҳои кӯмаки аввалияи тиббию санитарӣ ва Маркази солими репродуктивии ноҳияи Бобоҷон Ғафуров, масъулони Маркази солими репродуктивии вилоят, намояндагони Хазинаи СММ ва дигар кормандону мутахассисон шомил шуданд.
Дар рафти сафари корӣ намояндагони Вазорат дар баробари омӯзиш ва таҳлилу баррасии роҳҳои табобати саратони гарданаки бачадон бо ҳамтоёни худ дар вилояти Хатлон, ҳамзамон бо аҳолӣ вохуриҳои судманд доир кардаанд.
