Пизишкони тоҷик дар Арабистони Саудӣ кор хоҳанд кард

© SputnikОткрытие военного госпиталя 451 МО РФ в Таджикистане
Открытие военного госпиталя 451 МО РФ в Таджикистане - Sputnik Тоҷикистон
Обуна шудан
Вазири тандурустӣ Насим Олимзода ва сафири Тоҷикистон дар Шоҳигарии Арабистони Саудӣ Заробиддин Қосимӣ дар Палатаи савдо ва саноати шаҳри Ҷиддаи Арабистони Саудӣ бо гурӯҳи калони соҳибкорони соҳаи тибби ин мамлакат мулоқот карданд

ДУШАНБЕ, 10 дек — Sputnik. Ба гузориши равобити умумии ВУХ ҶТ, ба ҳамкории барои ҳарду ҷониб судманд таваҷҷуҳи зиёд зоҳир гардид.  

"Доир ба сохтмони як корхонаи муштараки дорусозӣ, таъсиси донишкада ва ё факултаи байналмилалии тиббӣ бо сармоягузории хусусии Саудӣ, осоишгоҳҳои муштарак, ҷалби табибони тоҷик ба ин мамлакат барои кори доимӣ, ба роҳ мондани амалиётҳои хайрияи ҷарроҳӣ барои беморони эҳтиёҷманди Тоҷикистон ва кумакҳои гуногуни башардӯстона тавофуқоти пешакӣ ҳосил шуд", — омадааст дар хабарнома.

Памятник в честь создания ОАЭ - Sputnik Тоҷикистон
Аморат хостори зудтар фиристодани қувваи корӣ аз Тоҷикистон шуд

Ҳайъати расмии Тоҷикистон ҳамчунин аз яке аз бемористонҳои муосири шаҳри Ҷидда барои шиносоӣ бо таҷрибаи пешқадами пизишкони Саудӣ дидан карданд.

Ногуфта намонад, ки вазири тандурустии Тоҷикистон Насим Олимзода барои иштирок дар ҷаласаи шашуми вазирони тандурустии давлатҳои аъзои Созмони ҳамкории исломӣ дар шаҳри Ҷиддаи Арабистони Саудӣ қарор дорад.

Пештар хабар дода шуд, ки Аморати Муттаҳидаи Араб хостори зудтар равон кардани қувваи корӣ аз Тоҷикистон шудааст.

Лентаи хабарҳо
0