Таъмири 19 муассисаи тиббӣ дар Хатлон

© SputnikОткрытие военного госпиталя 451 МО РФ в Таджикистане
Открытие военного госпиталя 451 МО РФ в Таджикистане - Sputnik Тоҷикистон
Обуна шудан
Тибқи нақша имрӯзҳо корҳои азнавсозӣ дар 12 маркази саломатии деҳотӣ бо суръати баланд идома дошта, сохтмончиён 90% корҳоро ба сомон расонидаанд

ДУШАНБЕ, 24 янв — Sputnik. Дар ин бора равобити умумии Вазорати тандурустӣ хабар медиҳад.

Тарҳи беҳтаркунии хизматрасонии тиббӣ бо маблағгузории Ҳукумати ҷумҳурӣ ва Бонки Умумиҷаҳонӣ аз зумраи он тарҳҳое аст, ки тӯли чор сол ин ҷониб дар 5 ноҳияи таҷрибавии вилояти Хатлон амалӣ гашта, биноҳои 12 маркази саломатии КАТС-ро бо тарҳи нави меъморӣ аз нав бунёд намуда истодаанд.

Новорожденные дети - Sputnik Тоҷикистон
Давраҳои омӯзишӣ барои пизишкон дар Хатлон
Тибқи нақша имрӯзҳо корҳои навсозӣ дар 12 бунгоҳи пизишкии рустоӣ бо суръати баланд идома дошта, сохтмончиён бо як азму иродаи қавӣ аллакай 90% корҳоро ба сомон расонидаанд.

Гуфта мешавад, ки биноҳои навсохт бо шабакаи ягонаи гармидиҳӣ, оби нӯшокӣ, ҳуҷраҳои корию хизматрасонӣ, таҳлилгоҳ, нақлиёти ёрии таъҷилӣ, генератор, мизу курсӣ, ҷевону яхдон ва дигар дастгоҳу таҷҳизоти муосири тиббӣ таъмин гардидааст.

Барои дар сатҳи баланд анҷом додани корҳои сохтмонӣ бо дастгирии Ҳукумати Ҷумҳурии Тоҷикистон ва кумаки молиявии Бонки Умумиҷаҳонӣ ҳама шароити лозима фароҳам оварда шуда, дар 5 ноҳияи таҷрибавии вилояти Хатлон, дар маҷмӯъ, биноҳои хуштарҳи замонавӣ барои духтурону ҳамшираҳои шафқати марказҳои саломатии деҳотӣ аз нав сохта мешавад, ки бо назардошти Лоиҳа 8 иншооти навсохта дар арафаи ҷашнҳои Наврӯз ва Ваҳдати миллӣ мавриди баҳрабардорӣ қарор дода мешаванд.

Лентаи хабарҳо
0