Хадамоти беҳдоштии Оқохон ба заҳролудшудагон дар Ишкошим ёрӣ мерасонад

© Aga Khan Health ServiceПомощь Службы Ага Хана по Здравоохранению Таджикистана пострадавщим жителям Ишкашимского района.
Помощь Службы Ага Хана по Здравоохранению Таджикистана пострадавщим жителям Ишкашимского района. - Sputnik Тоҷикистон
Обуна шудан
Ҳамакнун дар бемористони шаҳри Хоруғ 45 заҳролудшуда аз орди олуда ба заҳри гиёҳи офтобпараст дармон мешаванд, ки вазъи 2 тан аз онҳо бисёр вахим арзёбӣ мешавад

ДУШАНБЕ, 13 фев — Sputnik. Хадамоти беҳдоштии Оқохон дар Тоҷикистон, Бемористони вилоятии Хоруғ ва Хадамоти беҳдориву ҳамагиршиносии ВМКБ ситоди ҳамоҳангии ёрирасонӣ ба заҳролудшудагон дар ноҳияи Ишкошим ташкил додаанд.

Ба гузориши Хадамоти беҳдоштии Оқохон дар Тоҷикистон (Aga Khan Health Service, Tajikistan), раҳбарии ин ситодро дуктур Муҳаббат Баҳромов бар уҳда гирифтаааст.

Дар нахустин иқдом ин ситод барои ошкорсозии заҳролудшудагон дар рустоҳои ноҳияи Ишкошим се гурӯҳи пизишкӣ ташкил карда, ки коршиносони пизишкии дохилӣ (терапия), гуворишшиносӣ (гастроэнтерология), ҳамагиршиносӣ (эпидемиология), озмоишгоҳӣ, УЗИ ва ҷарроҳиро дар бар мегиранд.

Cотрудник миграционного центра берет кровь мигранта для тестирования в московском миграционном центре в Сахарове, архивное фото - Sputnik Тоҷикистон
Шумори заҳролудшудагон аз орд дар ноҳияи Ишкошим бештар шудааст

Ин гурӯҳҳо дар рустоҳои Тугоз, Питуп, Шитхарв ва Лангар бошандагонро аз муоинаи пизишкӣ гузаронда ва намунаҳои хунро барои озмоиш ба бемористони шаҳри Хоруғ фиристодаанд.

Ситод ҳамчунин барои дармонҷӯён дар бемористони Хоруғ доруворӣ ва рахти хоб харида ва ба рустоҳо низ дору бурдааст.

Ситоди ёрирасонӣ ба осебдидагон дар ноҳияи Ишкошим ҳамчунин коршиносони Вазорати тандурустии Тоҷикистонро ба ин кор ҷалб карда ва ҳамвора бо коршиносони амрикоӣ, Бемористони Оқохон дар Карочӣ (Покистон) ва Пажӯҳишгоҳи гуворишиносии шаҳри Душанбе дар тамос аст.

Лентаи хабарҳо
0