Рӯзноманигорони тоҷикро барои мубориза бо бемории сил "омода" карданд

© Sputnik / Саид Царнаев / Гузариш ба медиабонкЦентр по профилактике и борьбе со СПИДом
Центр по профилактике и борьбе со СПИДом - Sputnik Тоҷикистон
Обуна шудан
Як гурӯҳ рӯзноманигорони тоҷик барои баланд бардоштани маърифати тиббии аҳолӣ оид ба бемории сил ба вилояти Суғд рафтаанд

ДУШАНБЕ, 22 мар— Sputnik. Бо ибтикори Вазорати тандурустӣ дар ҳамбастагӣ бо Барномаи ЮСАИД оид ба мубориза ба бемории сил, як гурўҳ рўзноманигорон ба вилояти Суғд сафарбар гардидаанд, хабар медиҳад равобити умумии Вазорати тандурустӣ.

Ба гузориши манбаъ, чорабинии мазкур ба муносибати Рӯзи умумиҷаҳонии мубориза бар зидди бемории сил роҳандозӣ шуда, ҳадафи он тавассути ВАО баланд бардоштани маърифати тиббии аҳолӣ мебошад.

Врач поликлиники, архивное фото - Sputnik Тоҷикистон
Тоҷикистону Узбакистон дар пайкор бо бемории сил ҳамдаст мешаванд

Сафари омӯзишии рӯзноманигорон аз 12 то 16 марти соли 2018 идома ёфтааст. Намояндагони ВАО дар ин муддат бо фаъолияти беморхонаҳои зиддисилии ноҳияҳои Спитамен, Конибодом ва Мастчоҳи вилояти Суғд ошно гардиданд.

Табибони силшинос ба хабарнигорон иттилоъ додаанд, ки аз соли 2015 инҷониб дар ҳама шаҳру ноҳияҳои вилоят аз ҳисоби фаъолони ҷомеа Кумитаҳои маҳаллии тандурустӣ ташкил шуда, оид ба бемории сил дар байни сокинон корҳои фаҳмондадиҳӣ мегузаронанд.

Аъзоён моҳе 2 маротиба дар байни аҳолӣ корҳои таблиғотӣ гузаронида, афроде, ки нишонаҳои беморӣ дар онҳо мушоҳида мешавад тариқи роҳхат барои гузаштан аз ташхис ба муассисаи тиббӣ равона карда мешаванд.

Дар ҳоли ҳозир Нақшаи миллии стратегӣ оид ба мубориза алайҳи бемории сил аз ҷониби Ҳукумати Тоҷикистон қабул шудааст ва ин санад фаъолияти соҳаро ба танзим медарорад.

Лентаи хабарҳо
0