15:05 24 апрели 2019
Пахши мустақим
  • USD9.44
  • EUR10.62
  • RUB0.15
Ребенок, архивное фото

Дар як сол 80 ҳазору 330 навзоди тоҷик ба таври ройгон амалиёти хатнаро гузаштанд

© CCO, Pixabay
Тандурустӣ
Гирифтани линки кӯтоҳ
88 0 0

Хатна бо розигии падару модар аз рӯзи таваллуди писар то рӯзи бистуми баъди таваллуд дар муассисаҳои тиббии дахлдор ба таври ройгон гузаронида мешавад

ДУШАНБЕ, 10 фев — Sputnik. Тайи соли 2018 дар Тоҷикистон 80 ҳазору 330 нафар кӯдак ба таври ройгон аз амалиёти хатна гузаронида шудаанд, иттилоъ додааст дафтари матбуотии Вазорати тандурустӣ ва ҳифзи аҳолии кишвар.

Дар асоси тағйиру иловаҳои ахире, ки моҳи августи соли 2018 ба Қонун “Дар бораи танзими анъана ва ҷашну маросим дар Ҷумҳурии Тоҷикистон” ворид карда шуд, маросими хатна бояд танҳо дар муассисаҳои тиббии дахлдор ройгон ва бо розигии волидон то 20-рӯзи таваллуди тифл гузаронида шавад.

Ҳамчунин соли сипаригашта дар кишвар бо мақсади гузаронидани маросими хатна дар муассисаҳои тиббӣ 586 ҳуҷраи махсусгардонидашудаи ҷарроҳӣ омода карда шуда, бо таҷҳизоти зарурии тиббӣ ва инчунин ҷарроҳони соҳибтаҷриба таъмин гардидаанд.

Қобили зикр аст, ки соли 2017 ба Қонун “Дар бораи танзими анъана ва ҷашну маросим дар Ҷумҳурии Тоҷикистон” тағйиру иловаҳо қабул шуда буд, ки дар моддаи 9-и  қонуни мазкур чунин омадааст: “Хатна бо розигии падару модар аз рӯзи таваллуди писар то рӯзи бистуми баъди таваллуд дар муассисаҳои тиббии дахлдор ба таври ройгон бо тартиби муқаррарнамудаи мақоми ваколатдори давлатӣ дар соҳаи тандурустӣ гузаронида шавад”.

 

Барчаспҳо:
тандурустӣ, писар, хатнасур, Тоҷикистон

Мавзӯъҳои асосӣ