Фармон, амр ва қарорҳои тозатарини Эмомалӣ Раҳмон

Бо амру фармони раисиҷумҳур ва қарорҳои тозатарини Ҳукумати Тоҷикистон, ки президент, Эмомалӣ Раҳмон имзо кардааст, метавонед дар бахши вижаи Sputnik Тоҷикистон шинос шавед.

Дору ва дандон: қарори Раҳмон барои ташкили 2 корхонаи нав ва супориш ба Озода Раҳмон

Обуна шудан
Эмомалӣ Раҳмон, раисиҷумҳури Тоҷикистон бо имзои қарори ҷадиди Ҳукумат ду корхонаи воҳиди давлатиро ташкил дод, ки дар назди дастгоҳи раисиҷумҳур фаъолият хоҳанд кард

ДУШАНБЕ, 3 июл — Sputnik. Тибқи қарори Ҳукумат, ду корхонаи нави воҳиди давлатӣ – “Дорухона” ва “Дандонпизишк” мебошанд, ки дар назди муассисаи давлатии “Маркази тиббӣ”-и назди дастгоҳи Президент таъсис ёфтанд.

Озода Рахмон на заседании, архивное фото - Sputnik Тоҷикистон
Озода Раҳмон гуфт дар кадом ҳолатҳо соҳиби симкорт ба ҷавобгарии ҷиноӣ кашида мешавад

Эмомалӣ Раҳмон ба дастгоҳи иҷроияи раисиҷумҳури Тоҷикистон, ки роҳбарии онро Озода Раҳмон ба уҳда дорад, дастур додааст, ки масоили ташкилии марбут ба ин ду корхонаи навтаъсисро ҳал кунад.

Ин дар ҳолест, ки муассисаи давлатии “Маркази тиббӣ”-и назди дастгоҳи раисиҷумҳури Тоҷикистон низ соли гузашта таъсис ёфта, Эмомалӣ Раҳмон охири соли гузашта Холмаҳмад Раҳимзодаро директори он таъин намуда буд.

Феълан теъдоди корхонаю муассисаҳои назди дастгоҳи раисиҷумҳури Тоҷикистон ҳудуди 25 адад арзёбӣ мешавад. Ба ин феҳраст, аз ҷумла “Кохи Борбад”, “Кохи Ваҳдат”, “Қасри миллат”, Маҷмааи таъбу нашри “Шарқи озод”, “Китобхонаи миллӣ”, “Осорхонаи миллӣ”, “Боғи парчами миллӣ”, “Боғи ботаникии Хуҷанд”, маҷмӯи меҳмонхонаҳои Дастгоҳи иҷроия, “Боғи ботаникӣ”, “Кохи Истиқлол”, меҳмонхонаи “Истиқлол”, тарабхонаи “Чаманоро”, “Боғи миллӣ”, меҳмонхонаи “Авесто”, қароргоҳи мавзеи “Сайёд” дар Данғара ва  хоҷагии зотпарварии “Ҳисор” дар ноҳияи Фархор шомил мебошанд.

Лентаи хабарҳо
0