ДУШАНБЕ, 17 фев — Sputnik. Дар интернет аксҳои пизишкони чинӣ нашр шудааст, ки асари ниқобҳои зидди коронавирусро, ки 24 соат мепӯшанд, нишон медиҳад.
Аз аксҳо дида мешавад, чӣ гуна пас аз пӯшидани тӯлонии ниқоби зидди коронавирус, рӯйи пизишкон пур аз ҷароҳату, ожангҳои даҳшатнок аст.
Images show the cuts and dents on the faces of exhausted medical teams in Wuhan who often end up falling asleep on hospital chairs and floors #Coronavirus https://t.co/i4pgHTiS9w via @MailOnline
— Sophie Tanno (@tanno_s) February 5, 2020
Нашри ин аксҳо дар интернет аз тамоми гӯшаю канори дунё,вокуниши зиёдеро ба бор овард. Аксари корбарон ин пизишконро "қаҳрамонҳои аслӣ" унвон мекунанд.
Чин нафароне, ки гирифтории худ ба коронавирусро пинҳон медоранд, эъдом мекунад
Чуноне The Daily mail менависад, қариб ҳамаи аксҳо аз пизишкони беморхонаи Вуҳан - макони зуҳури вирус мебошанд.
Беш аз як моҳ мешавад, ки шаҳри Вуҳан бо 11 миллион кас аз дунё барканда ва дар карантин қарор дорад. Пизишкон, ки ҳамарӯза бо вируси марговар рӯ ба рӯ мешаванд, маҷбур 24 соат ниқоб мепӯшанд.
Донишҷӯи тоҷик дар Вуҳан гуфт, чигуна худро аз "вируси тоҷдор" ҳифз мекунад
Ҳамин тавр, бино ба гузориши ахир, дар Чин то имрӯз 70 548 сироятёфта ба қайд гирифта шуда, 1770 нафар ҷон бохту 10 844 нафар табобат ёфта аз бемористон мураххас шуданд.
