11:05 05 июли 2020
Пахши мустақим
  • USD10.31
  • EUR11.57
  • RUB0.14
Тандурустӣ
Гирифтани линки кӯтоҳ
170 0 0

Оморҳо нишон медиҳанд ибтило ба коронавирус то кунун муҷиби марги беш аз ду ҳазор нафар дар Аврупо шудааст

ДУШАНБЕ, 16 мар — Sputnik. Мақомоти тандурустии кишварҳои аврупоӣ эълом карданд, шумори ашхоси мубтало ба коронавирус дар қорраи сабз ба беш аз 47 ҳазор нафар расид, хабар дод Парстудей.

Манбаъ афзуд, то ҳол ин беморӣ ба марги беш аз ду ҳазор нафар дар ин кишвар мунҷар шудааст.

Бар асоси гузориши манобеи тандурустии кишварҳои аврупоӣ, 297 нафар дар Испания, 127 нафар дар Фаронса, 35 нафар дар Британия ва 20 нафар дар Нидерландия бар асари ин беморӣ фавтиданд ва шумори қурбониёни коронавирус дар Аврупо аз марзи 2000 нафар убур кардааст.

Созмони ҷаҳонии тандурустӣ гуфт, коронавирус киҳоро бештар мекушад

Мақомоти италияӣ низ аз марги ҳазору 809 нафар бар асари ибтило ба коронавирус хабар доданд. Расонаҳои Русия ҳам эълом кардаанд, ки дар Маскав ҳудуди ҳазор нафар барои пешгирӣ аз шуюи коронавирус карантин шудаанд.

Михаил Мишустин, нахуствазири Русия дастур додааст то аз имрӯз душанбе Шурои ҳамоҳангии байни дастгоҳҳо барои мубориза бо интишори коронавирус оғоз ба кор кунад.

Созмони умумиҷаҳонии тандурустӣ, Аврупоро конуни нави коронавирус эълом кардааст.

Вируси нави корона, мавсум ба Ковид-19  моҳи декабри 2019 дар шаҳри Вуҳани Чин пайдо шуда, акнун ба бисёри кишварҳои дунё сироят кардааст

Мавзӯъҳои асосӣ