Шодихон Ҷамшед фарқияти коронавирус аз дигар бемориҳо ва роҳи пешгирии воҳимаро фаҳмонд

© Пресс-служба президента РТПредседатель ГБАО Шодихон Джамшед , архивное фото
Председатель ГБАО Шодихон Джамшед , архивное фото - Sputnik Тоҷикистон
Обуна шудан
Шодихон Ҷамшед, муовини вазири тандурустӣ ва ҳифзи иҷтимоии Тоҷикистон, зимни як ҷаласа дар шаҳри Хуҷанд аломатҳои фарқкунандаи короновирус аз бемориҳои дигари монандро шарҳ дода, ба мансабдорон роҳи пешгирии воҳима миёни мардумро гуфт

ДУШАНБЕ, 7 апр – Sputnik. Муовини вазири тандурустӣ ва ҳифзи иҷтимоии Тоҷикистон ба масъулини Хуҷанд бобати огоҳонидани мардум аз ин беморӣ дастур дода, таъкид намудааст, ки дар ҳоли доштани маълумоти асоснок ҳеҷ кас ба воҳимаву овозаҳои бардурӯғ дода нахоҳад шуд.

Олимзода Насим министр здравоохранения и социальной защиты населения РТ, архивное фото - Sputnik Тоҷикистон
Вазири тандурустӣ гуфт, чаро дар Тоҷикистон коронавирус нест

Ӯ дар ҷаласаи ситоди омодагӣ ба ҷашни 30-солагии Истиқлолияти давлатӣ, дар шаҳри Хуҷанд, аз ҷумла вазъи эпидемиологӣ ва чораҳои пешгирикунанда аз сирояти вируси коронаро баррасӣ карда, нишонаҳои фарқкунандаи бемории коронавирусро шарҳ додаст.

“Аломати аз ҳама муҳими вируси корона ин ҳарорати баланди бадан аст. Баъдан хастагие, ки дар бадан пайдо мешавад. Одатан байни чор касалӣ мо қарантина мегузаронем: Инҳо касалии зуком, шамолхурӣ аллергия ва коронавирус аст. Ин касалиҳо кам-кам ба ҳам монанд ҳастанд, аммо дар байни ин бемориҳо баландшавии ҳарорат аз ҳисоби коронавирус тенденсияи пастшавӣ надорад. Сулфае, ки дар нафари сироятшуда ба коронавирус пайдо мешавад садои хос дошта, балғами зиёд надорад, балки сулфаи хушк аст”, - гуфт Шодихон Ҷамшед.

Сотрудник здравоохранения в защитном костюме - Sputnik Тоҷикистон
Кашфиёти олимони тоҷик: оби нуқра коронавирусро нест мекунад

Ӯ афзуд, дар чунин ҳол нисбати ҳар шаҳрванде, ки аз кишварҳои манбаи зуҳури ин беморӣ вориди Тоҷикистон мешаванд, тадбирҳои қарантинӣ роҳандозӣ мегарданд.

Зимни ҷаласа ба масъулини Хуҷанд дастур дода шудааст, ки дар муассисаҳои беҳдоштӣ риояи қоидаҳои тамизкорӣ ва безараргардонии бинову коргоҳҳоро тақвият дода, шумораи рахтҳои хоб бо таҷҳизоти таъмини сунъии ҳаворо зиёд карда, маводи безараргардонӣ ва доруворӣ захира карда шавад.

Таъкид гардидааст, ки баланд бардоштани сатҳи огоҳии мардум аз ин беморӣ, аз чораҳои муассири пешгирикунанда дар баробари тадбирҳои тиббӣ мебошанд.

Лентаи хабарҳо
0