04:43 30 майи 2020
Пахши мустақим
  • USD10.27
  • EUR11.42
  • RUB0.14
Тандурустӣ
Гирифтани линки кӯтоҳ
61401

Шумори мубталоёни коронавирус дар ҷаҳон бино бар оморҳои субҳи имрӯз марзи 1,5 миллион нафарро гузашт

ДУШАНБЕ, 9 апр — Sputnik. Бино ба омори ахире, ки аз суи Донишгоҳи Ҷон Хопкинси ИМА нашр шуд шумори мубталоёни коронавирус дар ҷаҳон ба 1 миллиону 511 ҳазору 104 нафар расидааст.

Аз рӯи омори сироятёфтагон ва фавтидагон Амрико ва Италия ҳануз дар ҷойи авваланд. Чин бошад, аз рӯйи сироятёбӣ ба зинаи шашум ва фавт дар ҷойи ҳафтум қарор гирифт. Эрон дар ҷойи ҳафтум ва Русия дар зинаи 20 қарор дорад.

Ба даҳгонаи кишварҳое, ки дар онҳо теъдоди зиёди гирифторони коронавирус ба қайд гирифта шудааст, ИМА (434 114 нафар), Испания (148 220), Италия (139 422), Олмон (113 296), Фаронса (82 048), Чин (81 802), Эрон (67 286), Британияи Кабир (60 733), Туркия (38 226) ва Белгия (23 403) дохил мешаванд.

Шумори шифоёфтагон аз ҳама бештар дар Чин — 77 279 нафар, Испания – 48 021, Олмон – 32 814, Эрон – 29 812, Италия – 26 491, ИМА – 23 774, Фаронса – 21 254, Швейтсария – 9 800, Кореяи Ҷанубӣ – 6 937 ва Белгия – 4 681 нафар мебошанд.

Ба қатори давлатҳое, ки дар онҳо теъдоди зиёди ҳолатҳои фавт ба қайд гирифта шудааст, Италия (17 669 нафар), Испания (14 794), ИМА (14 762), Фаронса (10 869), Британияи Кабир (7 097), Эрон (4 003), Чин (3 333), Олмон (2280), Нидерланд (2248) ва Белгия (2240) дохил мешаванд.

Барчаспҳо:
ҷаҳон, табобат, фавт, гирифторони беморӣ, вирус

Мавзӯъҳои асосӣ