Дуо кунед: Саидислом Абдуҷабборзода марги худро рад кард

© из личного архива Саидслома АбдуджаборзодыСаидислом Абдуджаборзода, прокурор судебного надзора Генпрокуратура РТ
Саидислом Абдуджаборзода, прокурор судебного надзора Генпрокуратура РТ - Sputnik Тоҷикистон
Обуна шудан
Саидислом Абдуҷабборзода, прокурори назорати судии Прокуратураи генералии Тоҷикистон, овозаҳо дар бораи марги худро рад кард

ДУШАНБЕ, 20 апр – Sputnik. Мавсуф ба хабарнигори Sputnik Тоҷикистон гуфт, ҳоло дар Беморхонаи маризиҳои сироятии шаҳри Душанбе қарор дошта, худро хуб ҳис мекунад.

Город Душанбе, архивное фото - Sputnik Тоҷикистон
Марги прокурор ва қарантинаи хонаводааш дар Душанбеву Ваҳдат: шарҳи мақомот

“Онҳоеро, ки овоза мекунанд, ба Худо месупорам. Аз онҳое, ки аз вазъи сиҳатии мо дар ташвишанд, сипосгузорӣ мекунам. Шукри Худо, вазъам хуб аст. Дӯстон ташвиш накашанд, дуо кунанд”, - Саидислом Абдуҷабборзода.

Вазорати тандурустӣ ва ҳифзи иҷтимоии аҳолии Тоҷикистон низ дар радди ин овозаҳо гуфт, Саидислом Абдуҷабборзода, соли таваллудаш 1959, дар Беморхонаи маризиҳои сироятии шаҳри Душанбе қарор дошта, пизишкон вазъи ӯро мӯътадил арзёбӣ мекунанд.

Бибихонум Дарвешзода, сухангӯи вазорат ба Sputnik Тоҷикистон гуфт, овозаҳое, ки дар бораи ӯ пароканда мешаванд, аз реша асос надоранд.

“Он кас тасф ҳам надорад ва хатаре ҳам ба саломатиаш нест. Фақат ин ки пас аз фавти писараш таҳти қарантина фаро гирифта шудааст”, - гуфт Бибихонум Дарвешзода.

Саидислом Абдуҷабборзода падари Ҷалолиддин Абдуҷабборзода, сардори шӯъбаи назорати милитсияи прокуратураи шаҳри Душанбе аст, ки бино ба иттилои расмӣ, аз бемории зукоми А (H1N1) ва илтиҳоби дутарафаи шуш рӯзи 19 апрел дар Бемористони маризиҳои сироятии шаҳри Душанбе даргузашт. 

Вид на Дворец президента в Душанбе - Sputnik Тоҷикистон
Дар онҳо коронавирус нест: Вазорат охирин омори қарантиншудагонро дар Тоҷикистон гуфт

Қаблан дар шабакаҳои иҷтимоӣ овозаву шоеъоте дар бораи фавти Саидислом Абдуҷабборзода аз COVID-19 пахш шуда, ӯро раиси идораи мубориза бо фасоди идории Агентии мубориза бо коррупсияи Тоҷикистон муаррифӣ карда буданд.

Бино ба ин овозаҳо, пас аз фавти падару писар мақомоти Тоҷикистон кулли қаламрави сохтмони зист ва мактаби №36, воқеъ кӯчаи Айнӣ, 72, минтақаи маъруф ба “Жилмассив” - ро, ки ҳамсари Саидислом Абдуҷабборзода дар он дарс медод ва тамоми талабаҳои онро қарантина кардаанд.

Гуфта мешуд, ҳамсари ӯ таҳти дастгоҳи нафасдиҳии сунъӣ ва писари дигару духтараш низ дар бемористони “Истиқлол” дар ҳолати вазнин қарор доранд ва пизишкон барои ҳаёташон мубориза мебаранд.

Сухангӯи вазорати тандурустӣ ва ҳифзи иҷтимоии аҳолии Тоҷикистон мегӯяд, аҳли хонаводаи Саидислом Абдуҷабборзода ҳоло дар беморхонаҳои сироятии Душанбе ва Ваҳдат таҳти қарантина қарор дошта, вазъи сиҳатии ҳамаи онҳо мӯътадил аст.

Медицинский работник в аэропорту в защитном костюме - Sputnik Тоҷикистон
Исботи набуди “вируси тоҷдор”: оилаи Шодиевҳо аз қарантина баромад

“Ҳамаи онҳо танҳо ба хотири ҷилавгирӣ ҷилавгирӣ қарантина шудаанд. Мо ба такрор мегӯем, ки ҳар фарди машкук ва камтарин нишона аз маризии “вируси корона” – ро ба хотири итминони хотир қарантина ва таҳқиқи мӯшикофона мекунем”, - гуфт Бибихонум Дарвешзода.

Саидислом Абдуҷабборзода, полковники адлияи дараҷаи аввал, дар гузашта муовини аввали раиси идораи гумруки шаҳри Душанбе (1997-2002), муовини раиси Раёсати назорати кумитаҳои гумрукӣ ва молиёт (2003 – 2007) ва сардори Раёсати назорати нақлиёти Прокуратураи генералии Тоҷикистон (2007-2013) буд.

Соли 2013 раис Ситоди кулли Агентии мубориза бо коррупсия ва ҷиноятҳои молии Тоҷикистон таъин шуда, як сол ба ин сӯ, прокурори назорати судии Прокуратураи генералии Тоҷикистон аст.

Саидислом Абдуҷабборзода аз набераҳои Эшони Санги Кулӯла, яке аз орифони маъруфи Тоҷикистон буда, Махсуми Исмоил Пирмуҳаммадҳода ва Махсуми Иброҳим аз чеҳраҳои маъруфи ин хонадон дар ҳоли ҳозиранд.

Лентаи хабарҳо
0