18:33 26 майи 2020
Пахши мустақим
  • USD10.27
  • EUR11.19
  • RUB0.14
Тандурустӣ
Гирифтани линки кӯтоҳ
Пайомадҳои COVID-19 дар Тоҷикистон ва ҷаҳон (422)
199 0 0

Роҳбарони Вазорати саноат ва технологияҳои нави Тоҷикистон маоши якмоҳаи худро барои мубориза бо коронавирус дар кишвар доданд

ДУШАНБЕ, 4 май — Sputnik. Тибқи иттилои Вазорати саноат, инчунин барои пешгирӣ аз паҳншавии COVID-19 маводи безараргардонӣ ва ниқоб ба Вазорати тандурустӣ дода шуд.

Вазорати саноат ба Вазорати тандурустӣ барои пешгирӣ аз паҳншавии  COVID-19 ҳудуди  5 ҳазор дона ниқоби тиббӣ, 250 дона либоси  яккаратаи муҳофизатии тиббӣ, 400 кило оҳаки хлордор ва 500 литр спирти техникӣ кумак намуд, хабар дод “Ховар”.

Манбаъ афзуд, роҳбарияти Вазорати саноат ва технологияҳои нави Тоҷикистон, дар пайравӣ аз ташаббуси раисиҷумҳур, Эмомалӣ Раҳмон тасмим гирифт, ки паҳншавии  коронавирус (COVID-19)  маоши якмоҳаи худро ба суратҳисоби фонди хайриявии таъсисдодаи ситоди ҷумҳуриявӣ мегузаронанд.

Вазорати мазкур вобаста ба ҳолати баамаломада  дар ҷумҳурӣ 15 корхонаҳои дӯзандагиро   ба  истеҳсоли ниқоб  ва хилъатҳои муҳофизатии тиббӣ сафарбар намудааст, ки  “Сифат Саноат”, “Гулистони Душанбе”, “Тоҷтекс”, “Ёқут-2000”, “Чарм” , “Кота Глобал”,  “Фарм Текс”, “Кооператор”, “Нассоҷи Хуҷанд”, “Ноҳид”,  “Ҷавонӣ”,  “САТН”, “Фарм Суғд”  ва “Зинат” аз зумраи онҳо мебошанд.

Мавзуҳо:
Пайомадҳои COVID-19 дар Тоҷикистон ва ҷаҳон (422)

Мавзӯъҳои асосӣ