16:14 29 майи 2020
Пахши мустақим
  • USD10.27
  • EUR11.35
  • RUB0.14
Тандурустӣ
Гирифтани линки кӯтоҳ
1372404

Вазорати тандурустии Тоҷикистон мегӯяд, имрӯз шумораи шахсони гирифтор ба коронавируси COVID-19 дар кишвар102 нафар зиёд шуда, ба 230 кас расид

ДУШАНБЕ, 4 май — Sputnik. Тибқи иттилои Вазорат, то имрӯз  3 ҳолати фавти шаҳрвандон аз сирояти COVID-19 дар мамлакат ба қайд гирифта шуд.

"То соати 16:30 дақиқаи 4 май дар мамлакат 230 ҳолати сироятёбии шаҳрвандон ба коронавируси нави COVID-19, аз ҷумла 110 ҳолат дар шаҳри Душанбе, 22 ҳолат дар шаҳру ноҳияҳои тобеи ҷумҳурӣ, 7 ҳолат дар ВМКБ, 21 ҳолат дар вилояти Хатлон ва 70 ҳолат дар вилояти Суғд ошкор гардид. Ҳамзамон, то имрӯз 3 ҳолати фавти шаҳрвандон аз сирояти коронавируси нави COVID-19 дар мамлакат ба қайд гирифта шуд", - омадааст дар иттилоияи Вазорат.

Ба иттилои манбаъ, ба ҳолати 4 май дар муассисаҳои табобатии кишвар ҳамагӣ 3208 нафар зери назорати табибон қарор дошта, дар як шабонарӯзи охир 246  нафар пас аз гузаронидани ташхису муоина дар ҳолати қаноатбахш аз муассисаҳои табобатӣ ба хона ҷавоб дода шудаанд.

Тибқи маълумоти нави Созмони умумиҷаҳонии тандурустӣ (СУТ), ҳамагӣ дар ҷаҳон 3 миллиону 582 ҳазору 804 нафар ба коронавирус гирифтор шудаанд, ки аз ин шумора 245 ҳазору 567 нафар вафот карда, 1 миллиону 160 ҳазору 110 кас шифо ёфтаанд ва 50 ҳазору 20 тан дар ҳолати вазнин қарор доранд.

Мавзӯъҳои асосӣ