Врачи - Sputnik Тоҷикистон
Коронавирус дар Русия ва ҷаҳон: охирин хабару гузоришҳо
Созмони ҷаҳонии беҳдошт моҳи марти соли 2020 пандемияи коронавирус эълон кард

Коронавирус нишон дод: хулосаи Раҳмон аз вазъи феълӣ ва изҳори ҳамдардияш ба мардум

Обуна шудан
Эмомалӣ Раҳмон, президенти кишвар мегӯяд бемории коронавирус нишон дод, ки соҳаи тандурустии кишвар мушкилоти зиёд дорад

ДУШАНБЕ, 23 май — Sputnik. Бино ба иттилои дафтари матбуотии президент, Эмомалӣ Раҳмон ин нуктаро зимни табрикоти идонааш изҳор дошта, гуфтааст, бемории коронавирус нишон дод, ки мо дар ин самт, хусусан, дар масъалаи омода кардани кадрҳо, таъминот бо таҷҳизоти муосири тиббӣ ва доруворӣ ҳанӯз чӣ қадар мушкилоти зиёд дорем.

Здание Министерства здравоохранения  - Sputnik Тоҷикистон
Дастури қатъии Вазорати тандурустӣ барои назорати тақсими доруворӣ дар беморхонаҳо

Эмомалӣ Раҳмон гуфтааст, ҳукумати Тоҷикистон ҳанӯз аз оғози пайдоиши коронавирус ҷиҳати пешгирӣ кардани воридшавии он ба кишвар тамоми чораҳои зарурӣ ва имконпазирро амалӣ гардонид.

Аз ҷумла Ситоди ҷумҳуриявӣ оид ба пешгирии сирояти коронавирус таъсис дода шуд, ки вазифаи он ташкил ва танзиму ҳамоҳанг сохтани фаъолияти тамоми ниҳодҳои давлатӣ ва ҷамъиятӣ доир ба пешгирӣ кардани паҳншавии ин беморӣ мебошад.

Вале мутаассифона, бо вуҷуди ҳамаи тадбирҳои андешидашуда ин беморӣ дар кишвари мо низ пайдо шуд ва то имрӯз даҳҳо нафар ҳамватанонамон бар асари он вафот карданд.

Раисиҷумҳури кишвар дар остонаи иди саиди Фитр ба ҳамаи онҳое, ки наздикону азизони худро аз даст доданд, ҳамдардии амиқ баён мекунам ва ба онҳо аз даргоҳи Офаридгор сабри ҷамил мехоҳам.

Премьер-министр Таджикистана Кохир Расулзода  - Sputnik Тоҷикистон
Ҷаласаи Ситод: Расулзода аз Вазорати тандурустӣ чӣ хост?

Эмомалӣ Раҳмон, ҳамчунин ба ҳамаи табибон ва кормандони муассисаҳои тиббӣ, ки дар чунин рӯзҳои вазнин бо садоқат ба савганди касбии худ ба мардуми Тоҷикистон софдилона ва шабу рӯз хизмат карда истодаанд, изҳори сипосу миннатдорӣ кардааст.

Дар идома президенти кишвар таъкид кардааст, ки ҳар яки мову шумо дар рӯзҳои ид ва умуман, ҳамеша илова ба анҷом додани фаризаҳои динӣ ва амалҳои хайру савоб бояд ба тозагӣ ва риояи қоидаҳои беҳдоштӣ эътибори ҷиддӣ зоҳир намоем.

Ӯ гуфтаст, ин масъала, яъне тозагӣ ва эҳтиёт, хусусан, дар мавсими хуруҷи беморие, ки имрӯзҳо идома дорад, барои ҳар як шахс ҳаётӣ ва заруру ҳатмист.

Бар пояи оморҳои ахир дар кишвар 2551 ҳолати гирифторӣ ба бемории коронавирус сабт гашта аз он 1089 нафар шифо ёфтаанд.

Ҳамзамон, теъдоди ҳолатҳои фавти беморони мубтало ба ин вирус  44 нафарро ташкил медиҳад.

 

Лентаи хабарҳо
0