15:00 04 июли 2020
Пахши мустақим
  • USD10.31
  • EUR11.57
  • RUB0.14
Тандурустӣ
Гирифтани линки кӯтоҳ
Пайомадҳои COVID-19 дар Тоҷикистон ва ҷаҳон (591)
2082 0 0

Вазорати тандурустии Тоҷикистон мегӯяд, теъдоди гирифторони COVID-19 дар кишвар то шоми имрӯз ба 5 ҳазору 799 нафар расид

ДУШАНБЕ, 27 июн — Sputnik. Тибқи иттилои Вазорати тандурустӣ, шабонарӯзи гузашта дар Тоҷикистон 52 ҳолати нави сироятёбӣ ба COVID-19 сабт шуда, шумораи онҳо дар муддати аз 30 апрел то 27 июн ба 5799 нафар расид. Рӯзи гузашта ин нишондод 56 ҳолат дар як шабонарӯзро ташкил дода буд.

Манбаъ афзуд, ки то имрӯз дар мамлакат 4391 б нафар ё худ 75,7%-и гирифторони COVID-19 шифо ёфта, аз ин беморӣ 52 нафар фавтидаанд.

"Шабонарӯзи охир 278 нафар гумонбарон зери назорати табибон қарор дошта, 60 нафар баъд аз муолиҷа ба хонаҳояшон рухсат дода шуданд", - омадааст дар иттилоияи расмӣ.

Мақомоти Тоҷикистон зикр намудаанд, ки феълан дар 85 беморхонаи ҷумҳурӣ зиёда аз 7 ҳазору 500 табиб ва 25 ҳазор корманди миёнаи тиб сафарбар шудаанд. Ба ғайр аз ин, дар муассисаҳои кумаки аввалияи тиббию санитарии ҷумҳурӣ 7 ҳазору 600 табиб ва зиёда аз 24 ҳазор корманди миёнаи соҳаи тиб бо мақсади дарёфт, пешгирӣ ва расонидани кумаки аввалия ба мардум хизмат мерасонанд, таъкид кард манбаъ.

 

 

 

 

Мавзуҳо:
Пайомадҳои COVID-19 дар Тоҷикистон ва ҷаҳон (591)
Барчаспҳо:
вируси нав, бемор, Тоҷикистон

Мавзӯъҳои асосӣ