23:08 29 сентябри 2020
Пахши мустақим
  • USD10.33
  • EUR12.09
  • RUB0.13
Тандурустӣ
Гирифтани линки кӯтоҳ
692 0 0

Вазорати тандурустӣ ва ҳифзи иҷтимоии аҳолии Тоҷикистон хабар дод, ки шабонарӯзи гузашта дар ҷумҳурӣ 39 ҳолати нави сироят ба COVID-19 ба қайд гирифта шуд

ДУШАНБЕ, 14 сен — Sputnik. Бино бар иттилои вазорати тандурустии Тоҷикистон, дар як шабонарӯзи охир 112 нафар гумонбарон зери назорати табибон қарор дошта, 37 нафар баъд аз муолиҷа ба хонаҳояшон рухсат дода шуданд.

Ҳамчунин манбаъ қайд кардааст, ки дар як шабонарӯзи охир дар ҷумҳурӣ 39 ҳодисаи нави бемории  COVID-19 дарёфт гардида,  дар маҷмӯъ шумораи гирифторони ин беморӣ ба  9088  нафар баробар гардид.

Гуфта шудааст, ки то санаи  14 сентябр дар кишвар  7853  (86,4%) нафар аз бемории COVID-19 шифо ёфтааст.

Вазорат илова кардааст, ки бар асари вируси корона марги 72  нафар ба қайд гирифта шудааст.

Ҳамзамон манбаъ зикр кардааст, ки ҳукумати Тоҷикистон ва Вазорати тандурустӣ ва ҳифзи иҷтимоии аҳолӣ айни замон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

Вазорати тандурустӣ аз тамоми сокинони кишвар даъват кардааст, ки барои пешгирии сирояти мазкур пеш аз ҳама  қоидаҳои беҳдошти шахсиро қатъиян риоя намоянд.

Барчаспҳо:
вирус, омор, сироят, ҷумҳурӣ, Вазорати тандурустӣ, вируси корона, Тоҷикистон

Мавзӯъҳои асосӣ