00:47 21 октябри 2020
Пахши мустақим
  • USD10.34
  • EUR12.21
  • RUB0.13
Тандурустӣ
Гирифтани линки кӯтоҳ
133 0 0

Вазорати беҳдошт, дармон ва омӯзиши пизишкии Эрон аз шиносоии беш аз се ҳазор бемори ҷадиди COVID-19 дар 24 соати гузашта хабар дод

ДУШАНБЕ, 3 окт — Sputnik. Симо Содот Лорӣ, сухангӯи Вазорати беҳдошти Эрон, рӯзи шанбе дар бораи охирин омори беморони COVID-19 дар ҷумҳурӣ хабар дод.

Ба гузориши радиои тоҷикии Садои  Хуросон, Лорӣ гуфт, дар 24 соати гузашта се ҳазору 523 бемори ҷадиди COVID-19 дар Эрон шиносоӣ шуд.

Манбаъ афзуд, ки аз ин теъдод  як ҳазору 401 нафар бистарӣ шуданд ва ба бақияи беморон низ хадамоти мавриди ниёзшон ироа шуд.

“Маҷмӯи беморони COVID-19 дар Эрон ба 468 ҳазору 119 нафар расидааст, ки то кунун 387 ҳазору 675 нафар аз беморон беҳбуд ёфта ва аз бемористонҳо мурраххас шудаанд”, - омадааст дар иттилоия.

Лорӣ илова намудааст, ки муттаассифона дар 24 соати гузашта  179 нафар аз беморони COVID-19 ҷони худро аз даст доданду маҷмӯи ҷонбохтагони ин беморӣ дар Эрон ба 26 ҳазору 746 нафар расидааст

Теъдоди афроди мубтало ба вируси корона дар ҷаҳон низ ба ҳудуди 35 миллион нафар расидааст, ки аз ин теъдод дасти кам  як миллион нафар ҷони худро аз даст дода ва беш аз 26 миллион нафар  ҳам беҳбуд ёфтаанд.

Барчаспҳо:
омор, беморӣ, Эрон

Мавзӯъҳои асосӣ