15:30 04 марти 2021
Пахши мустақим
  • USD11.30
  • EUR13.64
  • RUB0.15
Тандурустӣ
Гирифтани линки кӯтоҳ
1551 0 0

Эмомалӣ Раҳмон, раисиҷумҳури Тоҷикистон, имрӯз дигарбора дар шаҳри Душанбе аз хатари коронавирус дар ҷойҳои серодам ҳушдор дода, хостори назорати кори муассисаҳои хизматрасонӣ шуд

ДУШАНБЕ, 11 дек — Sputnik. Котиботи раисиҷумҳури Тоҷикистон мегӯяд, Эмомалӣ Раҳмон имрӯз баъди шиносоӣ бо имкониятҳои “Кохи Ваҳдат” баъди навсозӣ, бо роҳбарияти шаҳри Душанбе мулоқот анҷом дод.

Таъкид шудааст, ки баробари раисони ноҳияҳои Душанбе, дар ин мулоқот масъулини сохторҳои ҳифзи ҳуқуқ ва дигар идораву корхонаҳои пойтахт иштирок доштаанд.

Вазорати беҳдошти Ӯзбекистон: аз мавҷи дуюми коронавирус роҳи гурез нест

Аз мавзӯҳои меҳварии мулоқот ҷилавгирӣ аз паҳншавии коронавирус будааст.

"Роҳбари давлат масъулинро вазифадор намуданд, ки фаъолияти марказҳои савдо, қаҳвахона, тарабхонаву ошхона ва дигар мавзеъҳои серодамро бо назардошти риояи тадбирҳои беҳдоштӣ роҳандозӣ намоянд", - таъкид кард котиботи раисиҷумҳури Тоҷикистон.

Коронавирус кам шуд: калонтарин бемористони Суғд баъди 7 моҳ ба реҷаи муқаррарӣ мегузарад

Таъкид Эмомалӣ Раҳмон дар ҳолест, ки тибқи иттилои расмӣ теъдоди гирифторони коронавирус дар Тоҷикистон то шоми 10 декабр 12 588 нафар расидааст, ки аз ин  то ҳол 12 ҳузору 9 нафар шифо ёфта, 88 нафар фавтидаанд.

Барчаспҳо:
беҳдоштӣ, шумораи ками тарабхона, беморӣ, Тоҷикистон

Мавзӯъҳои асосӣ