Врачи - Sputnik Тоҷикистон
Коронавирус дар Русия ва ҷаҳон: охирин хабару гузоришҳо
Созмони ҷаҳонии беҳдошт моҳи марти соли 2020 пандемияи коронавирус эълон кард

Беморхонаи сироятии Душанбе аз COVID - 19 озод ва аз таъмири куллӣ бароварда шуд

© Пресс-служба Президента Республики ТаджикистанНовая операционная в районой больнице №5 в джамоате Далион Боло Деваштичского района
Новая операционная в районой больнице №5 в джамоате Далион Боло Деваштичского района  - Sputnik Тоҷикистон
Обуна шудан
Шӯъбаҳои наҷоти беморхонаҳои марказии ноҳияи Варзоб, шаҳри Ҳисор ва Беморхонаи клиникии шаҳрии бемориҳои сироятии шаҳри Душанбе аз таъмири куллӣ бароварда шуданд

ДУШАНБЕ, 14 январ - Sputnik.  Як қатор муассисаҳои тандурустие, ки барои табобати гирифторони бемории коронавируси нави COVID-19 ҷудо гардида буданд, пас аз шифо ёфтан ва пурра рухcат шудани шаҳрвандон, аз таъмири ҷорӣ бароварда шуда, инчунин бо таҷҳизоти муосири тиббӣ таъмин гардиданд.

Прохожие на улице в Душанбе - Sputnik Тоҷикистон
Хушхабар: дар Тоҷикистон ягон маризи коронавирус намонд

Бино ба гузориши Вазорати тандурустӣ, дар доираи ин иқдом бо дастгирии Ҳукумати кишвар ва Вазорати тандурустӣ, шарикони рушд шӯъбаҳои наҷоти беморхонаҳои марказии ноҳияи Варзоб, шаҳри Ҳисор ва Беморхонаи клиникии шаҳрии бемориҳои сироятии шаҳри Душанбе аз таъмири куллӣ бароварда шуданд.

Ҷиҳати шиносоӣ бо вазъи шӯъбаҳои мазкур вазири тандурустӣ, Ҷамолиддин Абдуллозода аз беморхонаҳои марказии шаҳри Ҳисор ва ноҳияи Варзоб дидан намуда, бо фаъолияти онҳо шинос шуд.

Ба гуфти масъулин, дар баробари аз таъмири куллӣ баровардан, ҳамзамон шӯъбаҳои наҷоти беморхонаҳои мазкур бо таҷҳизоти муосири тиббӣ низ таъмин гардиданд.

Аз ҷумла ба шӯъбаҳои наҷоти беморхонаҳои мазкур бо дастгоҳҳои нафасдиҳии сунъӣ, дастгоҳҳои кашиши барқии ҷарроҳӣ, монитори назди кати беморон, термосканер, пулмосканер, кати электронӣ, дастгоҳи УЗӢ, дастгоҳи рентгении рақамии сайёр, дастгоҳи ҳавотозакунак, кати функсионалӣ, респиратор, маводҳои муҳофизатӣ ва ғайра дастрас гардонида шуд.

© Вазорати тандурустӣБоздиди вазири тандурустӣ аз беморхонаҳои таъмиргардидаи Ҳисору Варзоб
 Беморхонаи сироятии Душанбе аз COVID - 19 озод ва аз таъмири куллӣ бароварда шуд - Sputnik Тоҷикистон
Боздиди вазири тандурустӣ аз беморхонаҳои таъмиргардидаи Ҳисору Варзоб

Зикр намудан ба маврид аст, ки аллакай шӯъбаҳои мазкур ба фаъолияти муқаррарии корӣ баргашта, дар онҳо баҳри расонидани хизматрасонии босифати тиббӣ ба аҳолӣ тамоми шароит ва имконоти мусоид фароҳам оварда шудааст.

Манбаъ афзуда, ки Ҷамолиддин Абдуллозода ба роҳбарияти беморхонаҳои мазкур бо мақсади  беҳтар намудани хизматрасонии тиббӣ ба аҳолӣ дастуру супоришҳои мушаххас дод.

Лентаи хабарҳо
0