11:49 01 марти 2021
Пахши мустақим
  • USD11.30
  • EUR13.69
  • RUB0.15
Тандурустӣ
Гирифтани линки кӯтоҳ
100 0 0

Коронавирус ҳамоно аксар кишварҳои ҷаҳонро дар ҳолати ногузир қарор додааст. Ҳоло теъдоди умумии гирифторони ин дард дар ҷаҳон марзи 100 миллион нафарро убур кардааст

ДУШАНБЕ, 27 янв - Sputnik. Тибқи омори субҳи имрӯзи Созмони ҷаҳонии беҳдошт шумораи  гирифторони маризии коронавирус дар ҷаҳон ба 100 миллиону 801ҳазору 440 нафар расид.

Ба иттилои манбаъ, дар садри ҷадвал ҳамоно ИМА (25 932 849), Ҳиндустон (10 689 268) ва Бразилия ( 8 881 853) қарор доранд.

Дар Русия бошад, теъдоди дардмандон ба  3 миллиону 756 ҳазору 931 нафар мерасад.

Дар Тоҷикистон бошад аз пирӯзӣ бар ин беморӣ хабар доданд. Эмомалӣ Раҳмон, раисиҷумҳури кишвар рӯзи гузашта эълон кард, ки Тоҷикистон бидуни коронавирус аст ва дар ҳамин ҳол таъкид кард, ки набояд бепарво шуд ва қоидаҳои беҳдоштиро мисли пештара риоя кард.

Миёни кишварҳои Осиёи Марказӣ бошад, ин беморӣ дар Қазоқистон ба 181 ҳазору 117 нафар мерасад ва аз он 163 ҳазору 156 нафар шифо ёфтаанд.

Дар Қирғизистон бошад олудагони коронавирус ба 84 ҳазору 068 нафар расида аз он 1402 кас ҳалок шудаанд.

Раҳмон пирӯзии Тоҷикистон бар коронавирусро эълон кард

Гирифторони коронавирус дар Ӯзбекистон бошад ба 78 ҳазору 471 нафар мерасад. 

Имрӯз дар ҷаҳон аксари кишварҳои тавоно талош доранд ваксинаҳои худро зиддин ин беморӣ бароранд, аммо на ҳама муваффақ мешаванд ва омори олудагон бошад ҳамарӯза дар ҳоли афзоиш аст. 

Оғози эмгузаронии ройгони таксиронҳо ва пайкрасонҳои хориҷӣ дар Маскав

Дар баъзе кишварҳо эмгузаронии оммавӣ оғоз шудааст, аммо то куҷо он пеши роҳи бемориро мегирад, вақт нишон хоҳад дод.

Мавзӯъҳои асосӣ