03:59 16 июни 2019
Пахши мустақим
  • USD9.44
  • EUR10.63
  • RUB0.15
Город Вахдат. Архивное фото

Сокини Ваҳдат: садои тирпарронӣ ва таркишро шунидем

© Sputnik Амир Исаев
Рӯйдодҳо
Гирифтани линки кӯтоҳ
Балвои генерал: аз Душанбе то Ромит (22)
21 0 0

ВКД хабар медиҳад, ки ҳуҷуми мусаллаҳона ба ШКД-и Ваҳдат бо сардории Зиёвиддин Абдуллоев сурат гирифтааст.

ДУШАНБЕ, 4 сен — Sputnik. Муҳаммадносир, як сокини шаҳри Ваҳдат дар суҳбати телефонӣ бо Sputnik гуфт, субҳи 4 сентябр дар пайи тирпарронӣ дар ШКД-и ин шаҳр як таркиш ҳам рух додааст.

"Аз соати 3 он тараф дигар хоб нарафтем. Манзили мо дар наздикии Шуъбаи корҳои дохилӣ аст. Тирпарронӣ каме давом кард ва як таркиш рух дод ва бо ҳамин садои тирпарронӣ ҳам қатъ гардид", — афзуд ин сокини Ваҳдат.

Ҳоло ҷасади кушташудаҳо дар ду мошини ёрии таъҷилӣ аз ШКД бароварда шудааст. Ҳамсуҳбати мо мегӯяд, теъдоди кушташудаҳо барои сокинон дақиқ нест. Вале мардум аз ин ҳодиса дар таҳлука афтодаанд.

Бино бар иттилои ВКД, субҳи 4 сентябр як гуруҳи мусаллаҳ бо сардории Зиёвиддин Абдуллоев ба Шӯъбаи Вазорати корҳои дохилӣ дар шаҳри Ваҳдат ҳуҷум карданд, ки "аз ҷониби кормандони мақомоти корҳои дохилӣ зада гардонида шуд".

"Дар натиҷа, Зиёвиддин Абдуллоев ва як ҳаммаслакаш нобуд карда шуда, се нафари дигари ин гурӯҳи ҷиноятпеша ярадор гардидаанд", — омадааст дар хабари ВКД.

Ҳамзамон, расонаҳо аз як ҳамлаи дигар дар маҳаллаи "гардиши фурудгоҳи Душанбе" хабар медиҳад, ки дар пайи он 2 нафар корманди ОМОН ва як нозири роҳ кушта шудааст. Мақомот ин ҳаводисро таҳқиқ доранд.

Мавзуҳо:
Балвои генерал: аз Душанбе то Ромит (22)
Барчаспҳо:
милиса, таркиш, сокинон, тирпарронӣ, ШКД-и Ваҳдат, ВКД, Ваҳдат

Мавзӯъҳои асосӣ