Садамаи нақлиётӣ дар Айнӣ мунҷар ба марги 5 нафар гардид

© Sputnik / Сергей ЕщенкоСадамаи нақлиётӣ. Акс аз бойгонӣ
Садамаи нақлиётӣ. Акс аз бойгонӣ - Sputnik Тоҷикистон
Обуна шудан
Бар асари сонеҳаи нақлиётӣ дар ноҳияи Айнӣ 5 нафар фавтида, кӯдаки 1,5 сола зинда мондааст.

ДУШАНБЕ, 16 ноя — Sputnik. Дар натиҷаи як садамаи нақлиётӣ дар ҳудуди ҷамоати Хушекати ноҳияи Айнӣ, воқеъ дар шоҳроҳи Хуҷанд-Душанбе 5 нафар ба ҳалокат расидаанд, иттилоъ медиҳад ВКД-и Тоҷикистон.

Ба иттилои манбаъ, аз сабаби боришоти зиёди барфу борон аз кӯҳ сангпораҳо фаромада, ба автомашинаи тамғаи "Хундай-Старекс", ронандааш сокини 32-солаи ноҳияи Мастчоҳ бархӯрдааст, ки дар натиҷаи он, автомашина ба ҷуқурии 300 метр сарозер шудааст.

ВКД: ҳалокати ду нафар бар асари садамаҳои нақлиётӣ

Бар асари ҳодиса ронандаи автомашина Равшанбек Наботови 32-сола, зодаи Куҳистони Мастчоҳ ва мусофирони он Кучакмаҳмад Мирзоеви 68- сола, инчунин Муҳаббат Латифова, Санавбар Абдураҳмонова, Халилулоҳ Абдураҳмонзода- сокинони деҳаи Палдораки ноҳияи Мастчоҳ фавтида, Гулрӯ Абдураҳмонзодаи якунимсола зинда мондааст.

"Санавбар Абдураҳмонова дар лаҳзаи садама духтарчааш Гулрӯро аз тирезаи мошин ба берун мепартояд, ки феълан саломатии ӯ мӯътадил мебошад",-мегӯяд манбаъ.

Лентаи хабарҳо
0